"კოჯორში იქნება გასვენება, სადაც მისი გიორგია დასაფლავებული" - თემურ წიკლაურს დღეს დაკრძალავენ

საესტრადო მომღერალს, ანსამბლ „ივერიას“ წევრ თემურ წიკლაურს დღეს კოჯორში დაკრძალავენ.

როგორც "ინტერპრესნიუსს“ მომღერალმა, ანსამბლ “ივერიის” წევრმა ნუგზარ კვაშალმა განუცხადა, გასვენება 14:00 საათზე იქნება.

"თემური დაასვენეს ლურჯ მონასტერში, სადაც სტიქაროსანი იყო რამდენიმე წელი. კოჯორში იქნება გასვენება, სადაც მისი გიორგია დასაფლავებული“, -აცხადებს ნუგზარ კვაშალი.

ცნობისთვის, თემურ წიკლაური კორონავირუსის დიაგნოზით გორის სამხედრო ჰოსპიტალში დეკემბერში მოათავსეს. მდგომარეობის გართულების შემდგომ ის თითქმის ხუთი კვირის განმავლობაში მართვით სუნთქვაზე იმყოფებოდა. თემურ წიკლაური 75 წლის იყო.