ავტორი:

TOP 7 სასიყვარულო წიგნი ვალენტინობისთვის

TOP 7 სასიყვარულო წიგნი ვალენტინობისთვის

თებერვალი ის თვეა, როცა ერთი კვირით მთელი მსოფლიო სიყვარულის საბურველში ეხვევა, ერთ დღეს კი საყვარელი ადამიანის განსაკუთრებულად გაბედნიერებას ცდილობს. არსებობს მარადიული სიყვარული - თუ ადამიანის მიმართ არა, წიგნისადმი - ნამდვილად, რადგან ის არასოდეს დაგაღალატებს.

თქვენ თუ ხართ #წიგნზეშეყვარებული? ან იქნებ ისეთ ადამიანს იცნობთ, რომლისთვისაც წიგნი საუკეთესო საჩუქარია? უკვე შეარჩიეთ საჩუქარი ვალენტინობისთვის? თუ ჯერ არა, მაშინ აუცილებლად წაიკითხეთ ეს სტატია, რომელშიც შევეცადეთ აქამდე დაწერილი უამრავი სასიყვარულო წიგნიდან შეგვერჩია 7 წიგნი, რომლებიც უნდა აჩუქო ან იჩუქო ვალენტინობის დღეს.

აღსანიშნავია, რომ ამ და კიდევ ათობით დასახელების წიგნის შეძენას 8 თებერვლიდან 14 თებერვლის ჩათვლით სპეციალურ ფასად, 50%-მდე ფასდაკლებით შეძლებთ.

ეს რომანი არის მკითხველისთვის, ვისაც ჯადოსნური გრძნობების მცირე დეტალებში აღმოჩენა შეუძლია და სურს, ცხოვრების სირთულეებს პერსონაჟებთან ერთად შეეჭიდოს.

მხოლოდ ჩვენ ორნი

ამერიკელი მწერლის, ნიკოლას სპარქსის, ეს რომანი რასელ გრინის ისტორიას გვიყვება, რომელსაც ყოვლად უსახური, პასუხისმგებლობითა და სირთულით აღსავსე ცხოვრების მიღმა დიდი სიახლე ელოდება - ეს არის ამბავი უსაზღვრო სიყვარულსა და იმედგაცრუებაზე, მაგრამ ცხოვრება წინ მიდის... დასასრული ზოგჯერ დასაწყისია.

ეს რომანი არის მკითხველისთვის, ვისაც ჯადოსნური გრძნობების მცირე დეტალებში აღმოჩენა შეუძლია და სურს, ცხოვრების სირთულეებს პერსონაჟებთან ერთად შეეჭიდოს.

ყველა ბიჭს, რომლებიც მყვარებია

16 წლის ლარა-ჯინი გულისნადებს მხოლოდ წერილებს ანდობს და მათ საქუდე კოლოფში ინახავს. სულ 5 წერილია - იმ ბიჭებისთვის განკუთვნილი, რომლებიც ოდესმე ჰყვარებია. ერთხელაც ყველა წერილი ადრესატებთან მოხვდება და გოგონა სიცრუის კორიანტელში გაეხვევა.

სანამ ლარა-ჯინი გაერკვევა, ეს როგორ მოხდა, იმაშიც დარწმუნდება, რომ ცხოვრება ტკბილ-მწარე მოულოდნელობებით არის სავსე: სადაც სიყვარულია, იქ ვერაგობაც შეიძლება იყოს ჩასაფრებული; შეიძლება გგონია, აი, სწორედ ეს ბიჭი მიყვარსო, მაგრამ თურმე ნამდვილი სიყვარული შენ ახლოს, გვერდით ყოფილა; უბრალოდ, დანახვა გჭირდებოდა... ეს რომანი და მის მიხედვით გადაღებული ეკრანიზაცია მთელ მსოფლიოში დიდი პოპულარობით სარგებლობს. თუ ჯერ კიდევ არ წაგიკითხავთ და არც ფილმი გინახავთ, ახლა ნამდვილად კარგი დროა ამისთვის.

სიყვარულით, როზი

ნაკლებად მოულოდნელი არც როზისა და ალექსის ისტორიაა. ბავშვობიდან განუყრელი მეგობრები იყვნენ, მაგრამ დრო გავიდა, გაიზარდნენ და დამოუკიდებელი ცხოვრების გზას დაადგნენ. ალექსი დუბლინიდან ბოსტონში გადადის და ჰარვარდის უნივერსიტეტის სტუდენტი ხდება. როზისაც დიდი გეგმები აქვს, ისიც ბოსტონში ისწავლის, ბავშვობის მეგობრები ისევ ერთად იქნებიან, მაგრამ... ერთი მცდარი ნაბიჯი ორივეს ცხოვრებას ცვლის.

თუ საკუთარ თავს დაღლილობას შეამჩნევთ და ეჭვები გონებას გიღრღნით, ეს რომანი ბედისწერისა და სიყვარულის რწმენას დაგიბრუნებთ. მისი პერსონაჟები ხომ წლების განმავლობაში იბრძვიან საკუთარი ბედნიერებისათვის, რატომ არ უნდა იბრძოლოთ თქვენც?!

მენსფილდ-პარკი

სიყვარული ის თემაა, რომლის გარეშეც მწერლების შემოქმედება წარმოუდგენელია. ვინ გვახსენდება ერთ-ერთი პირველი? რა თქმა უნდა, ჯეინ ოსტინი! „მენსფილდ-პარკი“ მისი რიგით მესამე ნაწარმოებია. რომანის მთავარი გმირი - მორცხვი, სუსტი ფანი პრაისი - „ღარიბი ნათესავის“ სრულქმნილი სახეა. ათი წლის ფანი მამისეული, ღარიბული სახლიდან მდიდარი ბიძის ოჯახში, მენსფილდ-პარკში მიჰყავთ. გოგონას გაზულუქებული, თავკერძა ნათესავები უპირისპირდებიან. პატარა ფანი თვითგანვითარებისთვის ბრძოლას იწყებს.

გარემო, სადაც ფულისა და ქორწინების თემა ერთმანეთზე მჭიდროდ არის გადაჯაჭვული, ადამიანები კი ერთმანეთს ჯიბის სისქით აფასებენ... აღსანიშნავია, რომ ოსტინი ერთ-ერთი პერსონაჟის პირით ქალისა და მამაკაცის თანასწორობის მნიშვნელოვან პრობლემას წამოსწევს. ამდენად, ჯეინ ოსტინი თავისი გამორჩეული სტილითა და წერის მანერით თავს აუცილებლად დაგამახსოვრებთ!

ორი ნაბიჯი შენამდე

შეიძლება გიყვარდეს ის, ვისაც ვერასდროს შეეხები? სტელა გრანტს უყვარს, როცა ყველაფერს აკონტროლებს. ამჟამად სტელას ყველაზე მეტად იმის კონტროლი სჭირდება, რომ არ მიუახლოვდეს არაფერს, რამაც შეიძლება მისთვის ფილტვების გადანერგვის შესაძლებლობას საფრთხე შეუქმნას. ერთადერთი რამ, რაც უილ ნიუმენს უნდა, ამ საავადმყოფოდან გაღწევაა. სულაც არ ადარდებს მკურნალობის კურსი და ახალი საოცარი წამლის გამოცდა. მალე 18 წლის გახდება, მოიხსნის ყველა აპარატს და საავადმყოფოების მიღმა, რეალურად დაათვალიერებს მსოფლიოს...

რეიჩელ ლიპინკოტის ეს წიგნი მკითხველს კიდევ ერთხელ შეახსენებს სიყვარულის ძალასა და ყველა იმ განცდას, დაბრკოლებასა თუ ბედნიერებას, რაც შეყვარებულობას ახლავს თან. არანაკლებ საინტერესოა წიგნის მიხედვით გადაღებული ეკრანიზაცია, რომელმაც მაყურებლის დიდი სიყვარული დაიმსახურა.

მიყვარხარ - ქართველი პოეტები სიყვარულზე

და როგორ უყვართ საქართველოში? ამ წიგნში სხვადასხვა თაობის პოეტების ლექსებია გაერთიანებული, რომლებიც მკითხველს სიყვარულის, როგორც მარადიული გრძნობის, არსებობაში კიდევ ერთხელ დაარწმუნებს.

აქ წაიკითხავთ, როგორ ხსნიან სიყვარულს და როგორ უხსნიან სხვებს; რას გრძნობენ და როგორ გამოხატავენ ამას გალაკტიონ ტაბიძე, აკაკი წერეთელი, ლადო ასათიანი, ვახტანგ ჯავახაძე, რატი ამაღლობელი, ბესიკ ხარანაული, ტიციან ტაბიძე, ნიკოლოზ ბარათაშვილი, ანა კალანდაძე, გიორგი კეკელიძე, სალომე ბენიძე, დიანა ამფიმიადი და სხვა მწერლები.

შტეფან ცვაიგი

მსოფლიოში ცნობილი კლასიკოსის უკვდავი რომანი „მარიამ სტიუარტი“ ორი ერთმანეთისგან განსხვავებული ქალის განსხვავებული ბედისწერის შესახებ მოგვითხრობს. სიყვარული, თავგანწირვა, ღალატი, სიკვდილი - ეს ყველაფერი ამ რომანშია თავმოყრილი და ისე საინტერესოდ გადმოცემული, რომ წიგნს თვალს ვერ მოაშორებთ.

ისტორიული სინამდვილე თუ მხატვრული გარემო? სად გადის ზღვარი სინამდვილესა და მწერლის ფანტაზიას შორის? რაც უნდა იყოს, შტეფან ცვაიგის მარიამ სტიუარტი მსოფლიო ლიტერატურის ერთ-ერთი ყველაზე ტრაგიკული ქალია. მართლაც, „ცაზე ორი მზე ვერ გაანათებს, დედამიწაზე ორი ხანი ვერ იარსებებს“, ბედისწერა უკვე დაწერილია, ჩვენ წაკითხვაღა დაგვრჩა.

ამდენად, თქვენ წინაშეა სიყვარულის თემაზე დაწერილი 7 თავბრუდამხვევი წიგნი. ნებისმიერი მათგანი #წიგნზეშეყვარებული ყველა ადამიანისთვის ვალენტინობის დღეს საუკეთესო საჩუქარი იქნება.

შეგახსენებთ, 8-14 თებერვალს ამ და კიდევ ათობით დასახელების წიგნზე 50%-მდე ფასდაკლება გელოდებათ. მოიკითხეთ 12 თებერვლის ჩათვლით "ბიბლუსის" მაღაზიათა ქსელში მთელი საქართველოს მასშტაბით ან შეიძინეთ ონლაინ 14 თებერვლის ჩათვლით.

უკვე დღეიდან გაზეთ „კვირის პალიტრასთან“ ერთად პროექტის „ქართველები მსოფლიო ისტორიაში“ მე-4 ტომი

გურამ გეგეშიძის 6-ტომეულის პირველი ტომი 11 თებერვლიდან ჟურნალ „გზასთან“ ერთად გამოვა

„ლაბირინთი მანუელისთვის“ - გზა პიროვნულ ცვლილებებამდე ალეკო შუღლაძის მოთხრობებში