გიორგი გახარია თანამშრომლებს დაემშვიდობა - ფოტო მთავრობის ადმინისტრაციიდან

გიორგი გახარია, რომელმაც პრემიერ-მინისტრის პოსტი გუშინ დატოვა, თანამშრომლებს დაემშვიდობა. მთავრობის ადმინისტრაციაში გადაღებულ ფოტოს პრემიერის საზოგადოებასთან ურთიერთობის სამსახურის თანამშრომელი ტატო კუჭავა ავრცელებს.

ცნობისთვის, გიორგი გახარიამ პრემიერ-მინისტრის პოსტი გუშინ დატოვა.

როგორც გახარიამ განმარტა, მას გაუმართლებლად მიაჩნია ნიკა მელიას დაპატიმრება იმ პირობებში, როდესაც არსებობს პოლიტიკური ესკალაციის საფრთხე.

გახარიას თქმით, გადადგომის მიზეზია ის, რომ აღნიშნულთან დაკავშირებით გუნდთან შეთანხმებას ვერ მიაღწია.

პრემიერ-მინისტრის პოსტზე "ქართულმა ოცნებამ" ირაკლი ღარიბაშვილი წარადგინა.