ავტორი:

"როდესაც დავინტერესდი ჩემი პერსონაჟის ბედით - მაშ, იქნება, - მითხრა ირაკლიმ" - ნიკა ქავთარაძე ჩცდ-ს ახალი სეზონზე

"როდესაც დავინტერესდი ჩემი პერსონაჟის ბედით - მაშ, იქნება, - მითხრა ირაკლიმ" - ნიკა ქავთარაძე ჩცდ-ს ახალი სეზონზე

"ჩემი ცოლის დაქალების" მე-17 სეზონის გადაღებები დაიწყო" - ეს ინფორმაცია სოციალურ ქსელში ცოტა ხნის წინ პოპულარული სერიალის შემოქმედებითმა ჯგუფმა გაავრცელა, რამაც მაყურებელში სასიამოვნო აჟიოტაჟი გამოიწვია. საყვარელ სერიალს ერთგული მაყურებელი თითქმის 8 თვე ელოდა, რადგან პანდემიამ ახალი სეზონის დაწყება გაახანგრძლივა.

გადაღებები რომ მართლაც დაიწყო, ეს ელვირის როლის შემსრულებელმა მსახიობმა, ნიკა ქავთარაძემაც დაგვიდასტურა. ნიკასგან ისიც შევიტყვეთ, რომ მის პერსონაჟს ახალ სეზონზე, სერიალში კვლავაც იხილავენ, რაც მასაც ახარებს და მაყურებელსაც გაუხარდება.

მე-16 სეზონის ბოლოს AMBEBI.GE-სთვის მიცემულ ინტერვიუში ის თავის გმირზე გვეუბნებოდა, რომ თუ შემდეგ სეზონზე სერიალში დიდხანს იქნება, მხოლოდ "გამისწორდება".

მიუხედავად იმისა, რომ ელვირი უარყოფითი პერსონაჟია, "ტროლების უფროსია", მაყურებელმა გასულ სეზონზე ის შეიყვარა, რასაც თავად ნიკას ოსტატობამაც შეუწყო ხელი. არადა, სერიალში როლი პირველად ითამაშა.

"ტიპს იმდენი უარყოფითი თვისება აქვს, დადებითი საერთოდ, არაფერი... ქცევებით, მანერებით იმდენად გროტესკული ტიპაჟია, რომ მსგავსი, კონკრეტული პერსონა ალბათ არც არსებობს, რომელსაც მიბაძავ და როლს ასე შექმნი. ასე რომ, არავის მანერების "დამუღამება" არ დამჭირვებია. სრულიად ახალი გმირის შექმნა მომიხდა, (არა)ჩვეულებრივის.

მოკლედ, ჩემი წარმოსახვის ტიპი მყავდა, რომელიც უპრინციპო, ყველაფერზე წამსვლელი ადამინია. მასში ბევრი ვიღაცის ცუდი თვისებაა თავმოყრილი... ერთი შეხედვით, რთული როლია, მაგრამ მაინც ადვილი, იმიტომ, რომ არ თამაშობ ყველასთვის ნაცნობ ტიპს. „ტროლების დირექტორი“ ხომ არავინ იცის, როგორია?! ამიტომ, ირეალური პერსონაა..." - ამბობდა ნიკა ქავთარაძე 8 თვის წინ ჩვენთან ინტერვიუში.

მოკლედ, მარტის დასაწყისიდან მონატრებულ სერიალს და მის გმირებს მაყურებელი შეხვდება, ამისთვის ინტენსიური მუშაობა უკვე დაწყებულია. ახალი სეზონის შესახებ კი ნიკა აი, რას გვეუბნება:

"ცოტა ხნის წინ, როდესაც სერიალის პროდიუსერი ირაკლი საღინაძე, მე-17 სეზონის წინ, მსახიობებს ხვდებოდა, ჩემთვის არაფერი უთქვამს, არც მე მიკითხავს, მაგრამ მერე მაინც დავინტერესდი ჩემი პერსონაჟის ბედით. მაშ, იქნება, მითხრა ირაკლიმ. გამიხარდა. როგორც ჩანს, ისეთი პერსონაჟია, რომ ასე უცებ მისი დათმობა არ გამოდის. მერე რეჟისორმა გიორგი ლიფონავამაც მითხრა - პრომოსთვის უნდა გადაგიღოო... რაც იმას ნიშნავს, რომ ელვირი ამ სეზონზე ხანგრძლივად იქნება. მადლობა ამისთვის მთელ გუნდს - სცენარისტს, პროდიუსერებს, რეჟისორებს. რა მოხდება ამ სეზონზე, არავინ იცის, ეს ახლა მხოლოდ ქეთი დევდარიანის თავშია...

- ელვირი მისთვის ჩვეულ ინტრიგებს ისევ დახლართავს?

- ეგეც არავინ იცის...

- მოგენატრა შენი პერსონაჟი?

- (იცინის) რა მოსანატრებელი ეგ არის, მაგრამ მასთან ისევ შეხვედრა საინტერესოა და მინდა... მაყურებელსაც მოენატრა და არა მარტო ელვირი, სერიალი და დიდი მოლოდინი აქვთ. ეს იმ დღესაც გამოჩნდა, როდესაც სერიალის გადაღებების დაწყების შესახებ შემოქმედებითი ჯგუფის მიერ ინფორმაცია გავრცელდა...

ვიმეორებ, მე მასთან შეხედრას მოუთმენლად ველოდები. ისე მისი დავიწყების საშუალება ამ პაუზის მანძილზე მაყურებელმა არ მომცა. ყველგან ელვირს მახსენებდნენ და ამის გამო დიდ სითბოს ვგრძნობ.

37 842 კვლევა და კორონავირუსის  695 ახალი შემთხვევა - როგორია გასული 24 საათის ეპიდვითარება და სტატისტიკური მონაცემები საქართველოში

კვარიათში, ზღვაში მაშველებმა ახალგაზრდა მამაკაცის ცხედარი იპოვეს

"ნინოწმინდის პანსიონის მიმართ მიმდინარე პროპაგანდისტული შტურმი პირდაპირ კავშირშია ე.წ. ლგბტ კვირეულის ორგანიზებასთან" - ჯაღმაიძე