ავტორი:

შსს "მთავარ არხზე" გავრცელებულ ინფორმაციასთან დაკავშირებით განცხადებას ავრცელებს

შსს "მთავარ არხზე" გავრცელებულ ინფორმაციასთან დაკავშირებით განცხადებას ავრცელებს

საქართველოს შინაგან საქმეთა სამინისტრო მედიაში გავრცელებულ ინფორმაციას ეხმაურება და განცხადებას ავრცელებს.

უწყების ცნობით, ხარაგაულში მომხდარ ქურდობის ფაქტზე, გამოძიება საქართველოს სისხლის სამართლის კოდექსის 177-ე მუხლით მიმდინარეობს.

ამასთან უწყება აღნიშნავს, რომ "მთავარი არხის" მიერ დასახელებული პირი შინაგან საქმეთა სამინისტროს ობიექტების დაცვის დეპარტამენტის დირექტორი არ არის და აღნიშნულ თანამდებობაზე 2019 წლიდან აღარ მუშაობს.

"გვსურს, გამოვეხმაუროთ "მთავარ არხზე"გავრცელებულ ინფორმაციას, სადაც მტკიცებით ფორმაში ითქვა, რომ იმერეთში შინაგან საქმეთა სამინისტროს ობიექტების დაცვის დეპარტამენტის დირექტორის, ზურაბ ჭყოიძის სახლი გაძარცვეს.

არც გადაცემის ავტორს, არც პროდიუსერს და არც ჟურნალისტს, რომელიც ამ თემაზე მუშაობდა, გადაცემის ეთერში გასვლამდე, შინაგან საქმეთა სამინისტროს სტრატეგიული კომუნიკაციების დეპარტამენტისთვის ინფორმაციის გადამოწმების მიზნით არ დაურეკავს. გადაცემის ავტორი კი მტკიცებით ფორმაში აცხადებდა, რომ შინაგან საქმეთა სამინისტროს მაღალჩინოსანი გაძარცვეს.

ხაზგასმით აღვნიშნავთ, რომ "მთავარი არხის" მიერ დასახელებული პირი შინაგან საქმეთა სამინისტროს ობიექტების დაცვის დეპარტამენტის დირექტორი არ არის და აღნიშნულ თანამდებობაზე 2019 წლიდან აღარ მუშაობს.

რაც შეეხება ხარაგაულში მომხდარ ქურდობის ფაქტს, გამოძიება საქართველოს სისხლის სამართლის კოდექსის 177-ე მუხლით მიმდინარეობს. აქვე, იმასაც აღვნიშნავთ, რომ საცხოვრებელი სახლი ზურაბ ჭყოიძეს არ ეკუთვნის“, - ნათქვამია განცხადებაში, რომელსაც უწყება ავრცელებს.

"სასამართლოს გადაწყვეტილებას დღეს აღვასრულებთ, ხვალ, ერთი თვის შემდეგ თუ სამ დღეში, შეზღუდული არ არის" - გომელაური მელიაზე

"პირზე ხელი ამაფარა, მირტყამდა...სულ ნაცემი ვარ" - ყვარელში 73 წლის ქალი შეიარაღებულმა ახალგაზრდამ დააყაჩაღა

შსს-ს ინფორმაციით, პარლამენტთან საპროტესტო აქციაზე დაპირისპირებისას სულ 8 პირია დაკავებული