"საფრთხეა სამოქალაქო დაპირისპირების და ოპოზიციის მოძულე ადამიანის წარდგენა პრემიერად, ვითარებას დაამძიმებს" - ელისაშვილი
"ძალიან ფეთქებადსაშიში ვითარებაა, საფრთხეა სამოქალაქო დაპირისპირების",- ამის შესახებ "მოქალაქეების" ლიდერმა ალეკო ელისაშვილმა ჟურნალისტებთან განაცხადა.
ელისაშვილის განცხადებით, ამ ვითარებაში კომპრომისის მიღწევა მნიშვნელოვანია, თუმცა, ღარიბაშვილის რიტორიკიდან გამომდინარე, ეს რთულად წარმოუდგენია.
მისი თქმით, "მოქალაქეები" ღარიბაშვილის კანდიდატურას მხარს არ დაუჭერენ.
"ძალიან ფეთქებადსაშიში ვითარებაა ქვეყანაში. ქვეყანა გაგლეჯილია ორად, ორ დაპირისპირებულ ბანაკად არის გადალაგებული და პირდაპირ საფრთხეა სამოქალაქო დაპირისპირების. ამ ვითარებაში ერთ-ერთი ყველაზე რადიკალური, ოპოზიციის მოძულე და კონფტრონტაციული ადამიანის წარდგენა პრემიერ-მინისტრად ვითარებას ძალიან დაამძიმებს და გაართულებს.
ჩვენ გვჭირდება პრემიერ - მინისტრად ადამიანი, ვინც ოპოზიციასთან დაჯდება, დაილაპარაკებს და კომპრომისს მივაღწევთ. ღარიბაშვილის რიტორიკიდან გამომდინარე რთულად წარმომიდგენია, რომ შეძლებს ოპოზიციასთან დალაპარაკებას და მოლაპარაკების გზით ვითარების განმუხტვას", - განაცხადა ელისაშვილმა.
"თურმე დავითგარეჯის საქმე არის მოგონილი.... ყველა სახელმწიფო უფრთხილდება თითო გოჯ მიწას, ჩვენ რა გვჭირს?" - ირაკლი ღარიბაშვილი
"საბრალო ჩემო ქვეყანა, ვის ხელში ხარ ჩავარდნილი" - როგორ ეხმიანება მიხეილ სააკაშვილი ირაკლი კობახიძის თავისუფლების ორდენით დაჯილდოებას
