ღარიბაშვილმა გვარამიას "კრიმინალი" და "არარაობა" უწოდა - "მთავარის" დირექტორი არასამთავრობოებს მიმართავს
საქართველოს პრემიერ-მინისტრობის კანდიდატმა, ირაკლი ღარიბაშვილმა პარლამენტში სიტყვით გამოსვლისას ნიკა გვარამიას შესახებ ისაუბრა. მან "მთავარი არხის" დირექტორს "კრიმინალი" და "არარაობა" უწოდა.
"მთავარი, ერთ-ერთი გამოკვეთილი დამნაშავე, კრიმინალი, არარაობა გვარამია გვევლინება მედიის მამად და ტელევიზიის დირექტორად. პროკურორი კაცი, იმედის ძალადობრივი გზით დახშობა და გათიშვა მის დროს განხორციელდა", - განაცხადა ღარიბაშვილმა.
მის სიტყვებს ნიკა გვარამია "ფეისბუქის" საშუალებით უპასუხა:
"როცა პრემიერი კრიმინალად, თან მთავარ კრიმინალად გაცხადებს, იმ ვითარებაში, როცა არც ერთი გამამტყუნებელი განაჩენი არ დამდგარა ჩემზე და როცა ჩემს წინააღმდეგ პოლიტიკურად მოტივირებული სისხლის სამართლის საქმე სასამართლოში მიმდინარეობს, როგორ უნდა იქნეს ეს აღქმული და შეფასებული? არის თუ არა ეს სასამართლოსთვის მითითების მიცემა და პირადად ჩემი და ჩემი მედიის ღია პოლიტიკური დევნა? " - წერს გვარამია და პოსტზე მონიშნა აშშ-ის საელჩო საქართველოში, ევროკავშირის წარმომადგენლობა, ბრიტანეთის საელჩო, ასევე სახალხო დამცველი და სხვადასხვა არასამთავრობო ორგანიზაციები.
"მმართველმა პარტიამ უნდა გაიგოს, რომ შესაძლო ევროპული პერსპექტივა ღირსებასა და პატივისცემას ეფუძნება..." - ევროპარლამენტარი
"ხელისუფლებამ დღეს განსაკუთრებით მკაფიოდ მოინიშნა თავი, როგორც ქართული სახელმწიფოს მტერმა და ანტიდასავლური, მოძალადე ჯგუფების ღია მოკავშირემ" - ოპოზიცია
