"ეს არ არის შემოსვლა, ეს არის გასვლა..." - რას ამბობს ნიკა მელია მას შემდეგ, რაც ოფისში სამართალდამცველები შევიდნენ

"ეს არ არის შემოსვლა, ეს არის გასვლა" - ასე ეხმაურება "ნაციონალური მოძრაობის" თავმჯდომარე ნიკა მელიას პარტიის ოფისში სამართალდამცველების შესვლას.

მისი თქმით, ის რაც ახლა ხდება, რეჟიმის დასასულია.

"ეს არ არის შემოსვლა, ეს არის გასვლა. ეს ხელისუფლება გავა არაფორმალური მმართველიბოდან და ქართველი ხალხი ძალაუფლებას დაიბრუნებს. გავრილოვის გამო არც ერთი საქართველოს მოქალაქე არ უნდა სამართლდებოდეს. ივანიშვილო და ღარიბაშვილო, თქვენ ხართ მოღალატეები" - აღნიშნა მელიამ.

ცნობისთვის, "ნაციონალური მოძრაობის" ოფისში სამართალდამცველები შევიდნენ. ადგილზე საკმაოდ დაძაბული ვითარებაა.

პარტიის ოფისში იმყოფებიან პარტიის ლიდერები და მხარდამჭერები. ოფისში იმყოფება ნიკა მელიაც.

პარტიის ოფისში პოლიტიკური პარტიების წარმომადგენლები და მხარდამჭერები მთელი ღამის განმავლობაში იმყოფებოდნენ. მათი განცხადებით, ჰქონდათ ინფორმაციას, რომ მობილიზებულია სპეცდანიშნულების რაზმები, მზადება მიმდინარეობს „ნაციონალური მოძრაობის“ ოფისის შტურმისთვის . მათივე ინფორმაციით, სპეცრაზმს მშვიდობიანად შეხვდებიან.