რა ხდება ოთახში, სადაც ნიკა მელია მომხრეებთან ერთადაა გამაგრებული - კადრები "ნაციონალური მოძრაობის" ოფისიდან
"ნაციონალური მოძრაობის" თავმჯდომარე ნიკა მელია მომხრეებთან ერთად პარტიის ოფისის მესამე სართულზეა გამაგრებული. ქვედა სართულებიდან სამართალდამცველებმა ფაქტობრივად სრულიად გაიყვანეს ოპოზიციის წარმომადგენლები, აქტივისტები, მედიის წარმომადგენლები.
იქ კი სადაც ახლა ნიკა მელიაა, კარი და ფანჯრები ბარიკადებითაა ამოჭედილი და ოთახში რამდენიმე პოლიტიკური ლიდერია, მათ შორის: გიგი უგულავა, გივი თარგამაძე, ხათუნა სამნიძე და სხვები.
ამავე ოთახში არიან "ნაციონალური მოძრაობის" მხარდამჭერები და მედიის წარმომადგენლები, დაახლოებით ასი ადამიანი. ისინი სკანდირებენ - "საქართველო, საქართველო".
ეს ოთახი ფაქტობრივად ერთადერთი ადგილია ოფისში, საიდანაც სამართალდამცველებს ხალხი არ გაუყვანიათ. "მთავარი არხის" ჟურნალისტის თქმით, კარებთან უკვე ისმის სამართალდამცველების ხმა, რომლებიც ცდილობენ კარი სპეციალური იარაღით გააღონ.
"მზად ვართ, დიალოგის მაგიდას მივუსხდეთ, იმ პირობით, რომ მაგიდის ერთ მხარეს უნდა იჯდეს ნიკა მელია" - ზაალ უდუმაშვილი
LIVE: თოქ-შოუ "360 გრადუსი" - გიორგი ვაშაძე; იაგო ხვიჩია
