ავტორი:

საუზმედ სოსისს ნუ მიირთმევთ, კვებამდე ნახევარი საათით ადრე ორი ჭიქა წყალი დალიეთ - ჯანსაღი კვების წესები ენდოკრინოლოგისგან

საუზმედ სოსისს ნუ მიირთმევთ, კვებამდე ნახევარი საათით ადრე ორი ჭიქა წყალი დალიეთ - ჯანსაღი კვების წესები ენდოკრინოლოგისგან

ჯანსაღად კვება არამხოლოდ წონის გაკონტროლებისთვის, არამედ, პირველ რიგში, ჯანმრთელობის შესანარჩუნებლად არის აუცილებელი. მნიშვნელოვანია ვიცოდეთ, კონკრეტული პროდუქტები დღის რომელ მონაკვეთში მივირთვათ - Allnews.ge-მ კითხვებით ენდოკრინოლოგ ქეთევან ტაბატაძეს მიმართა.

  • წყალი

ენდოკრილოგის თქმით, სასურველია, ყოველი კვების წინ, ნახევარი საათით ადრე, ორ ჭიქამდე წყალი მივიღოთ.

  • ოთხჯერადი კვება

დღეში ერთხელ ან ორჯერ კვება და დიეტის დაცვა, ორგანიზმისთვის სასურველი არ არის. ენდოკრინოლოგი გვირჩევს, რომ საკვები დღეში 4-ჯერ და საათობრივად მივიღოთ.

"შუალედები ყოველი ულუფის მიღებას შორის 3-დან 3,5 საათამდე უნდა იყოს. სასურველია, 7 საათზე გვიან არ ვივახშმოთ. ასევე უმჯობესია, კვების დროს დავნაყრდეთ, ვიდრე შუალედებში წავიხემსოთ, ამ პერიოდში სასურველი მხოლოდ სითხის მიღებაა."

  • საუზმე

ქეთევან ტაბატაძის თქმით, ჩვენი ორგანიზმი ყველაზე დიდი სტრესის ქვეშ მაშინაა, როდესაც საუზმეს ვტოვებთ.

"საუზმეზე რა პროდუქტებს მიიღებთ, ეს აბსოლუტურად ინდივიდუალურია, მაგრამ უმჯობესია, შედარებით მსუბუქად და კალორიულად მიირთვათ. არ გირჩევთ, დილით შემწვარი, ცხიმებით დატვირთული პროდუქტები ან მაიონეზი მიიღოთ. ასევე, არავითარ შემთხვევაში სწრაფი კვების ობიექტებში დამზადებული პროდუქტები არ უნდა მიირთვათ," - აღნიშნავს ენდოკრინოლოგი.

მისი თქმით, დილით სასურველია ბურღულეულის, წიწიბურას, მოხარშული კვერცხის, რძის პროდუქტების, ბუტერბროდის მიღება კარაქითა და ყველით, ან ცოტა თაფლით.

"პირველ ულუფად სოსისსა და მსგავს პროდუქტებს ნუ მიირთმევთ. შემწვარი ნივთიერებათა ცვლაზე არასასურველად მოქმედებს, ნელა შეიწოვება და ხელს წონაში მატებასაც უწყობს."

  • რძის პროდუქტების მიღება ასაკის მატებასთან ერთად შეამცირეთ

ენდოკრინოლოგი განმარტავს, რომ რძის პროდუქტების მიღების შემთხვევაში, დიდი მნიშვნელობა ასაკს და ლაქტოზის მიმართ ამტანობას აქვს, რადგან დღევანდელ რეალობაში, პოპულაციის დიდ ნაწილს ლაქტოზის მიმართ აუტანლობა აქვს ანუ, რძის პროდუქტის მიღების შემდეგ, ალერგიული ფონი უვითარდება. ქეთევან ტაბატაძის თქმით, 30 წლის შემდეგ, რძის პროდუქტების ყოველდღიური მიღება სასურველი არ არის.

"25 წლამდე რძის პროდუქტების მიღება ყოველდღიურადაა შესაძლებელი, ამ ასაკის შემდეგ უმჯობესია, თუ შევამცირებთ, ხოლო 30 წლიდან რძის ნაწარმი კიდევ უფრო იშვიათად უნდა მივირთვათ, რადგან ასაკის მატებასთან ერთად ლაქტოზის აუტანლობა იზრდება. სასურველია, რომ ეს პროდუქტები დღის განმავლობაში მივირთვათ და არა დილით".

  • ხილის მიღება უმჯობესი დღის პირველ ნახევარშია

მოსანელებლად და ორგანიზმისთვის შედარებით მსუბუქი, საზამთრო, ნესვი, ბალი, ალუბალი და მარწყვია, თუმცა, ენდოკრინოლოგი გვირჩევს, რომ მათი ულუფები დღეში ნახევარ კილოგრამზე მეტი არ უნდა იყოს.

"დიდი რაოდენობით საზამთროს მიღებაც კი არაა რეკომენდებულ, რადგან ის ფრუქტოზასა და ნიტრატებს შეიცავს, რაც ორგანიზმისთვის ადვილადშეწოვადია და უმჯობესია, თუ ნორმის ფარგლებში მივიღებთ," - აღნიშნავს ენდოკრილოგი. ქეთევან ტაბატაძის თქმით, თუ ჭარბი წონა გვაწუხებს, ხილის დღის მეორე ნახევარში მიღება სასურველი არ არის.

"უმჯობესია, რომ კვებამდე მივირთვათ, რადგან ასე, მისი მონელება უფრო სწრაფად ხდება, ვიდრე სადილის შემდეგ. ულუფაზე ხილის დამატებით, ნივთიერებათა ცვლაზე უარყოფით ზეგავლენას ვახდენთ.

კერძოდ, დიდია ალბათობა, რომ მანამდე მიღებული ძირითადი სადილის სრულფასოვნად გადამუშავება არ მოხდეს, ამიტომ ულუფის მიღებიდან ნახევარი საათი მაინც აუცილებლად უნდა იყოს გასული, რათა ხილი მივირთვათ... წაიკითხეთ ვრცლად

"ის დარჩება ბაბუად, რომელიც ბარბექიუს სპეციალისტი იყო და საოცარი იუმორი ჰქონდა...მე და მეგანს მუდამ გვემახსოვრება" - როგორ ემშვიდობებიან ჰარი და უილიამი პრინც ფილიპს

რა გავლენას მოახდენს 12 აპრილის ახალმთვარეობა ზოდიაქოს ნიშნებზე და რას უნდა ველოდოთ პოლიტიკური ცხოვრების ჭრილში - ასტროლოგ რამაზ გიგაურის განმარტება

"ჩემ თავთანაც ძალიან დიდი ცინიკოსი ვარ... რწმენა მეხმარება...ამ ყველაფერს ეს ერთი ქათმის წონა ქალი ვერ შევძლებდი" - თეა წულუკიანი