"პიროვნება, რომელიც რუს ოლიგარქად მოიხსენიეს, არის ჩემი უახლოესი მეგობრის ბიძა, დაბადებული და გაზრდილი გურჯაანში" - ლექსო თამაზაშვილი "ტვ პირველს" პასუხობს
პრემიერ-მინისტრ ირაკლი ღარიბაშვილის ცოლის ძმა, ყოფილი პარლამენტარი, ალექსანდრე თამაზაშვილი სოციალურ ქსელში "ტვ პირველის" სიუჟეტს ეხმაურება:
"მოგესალმებით ძვირფასო მეგობრებო! მინდა გამოვეხმაურო "ტვ პირველის" ეთერში გასულ სიუჟეტს: სადაც პიროვნება, რომელიც რუს ოლიგარქად მოიხსენიეს, არის ჩემი უახლოესი მეგობრის ბიძა (მამის ძმა) დაბადებული და გაზრდილი გურჯაანში, საქართველოს მოქალაქე. ათასობით ჩვენი ქვეყნის მოქალაქის მსგავსად აქვს რუსეთის მოქალაქეობაც. ვინც პირადად მიცნობს ყველამ იცის, რომ მე და ლევან ზილფიმიანი ვართ ბავშვობის მეგობრები და ერთმანეთთან წლებია ნათელ-მირონი გვაკავშირებს. მეტი სიზუსტისთვის გეტყვით, რომ ჩვენი მეგობრობა ჯერ კიდე მაშინ დაიწყო, ვიდრე ირაკლი ჩემი დის მეუღლე გახდებოდა... შესაბამისად, ნებისმიერი მცდელობა ირაკლი ღარიბაშვილის დაკავშირების ამ კომპანიასთან და მით უმეტეს რუსულ კავშირებთან, გახლავთ მის მიმართ დაწყებული ცილისმწამებლური კამპანიის მორიგი სერია! აღნიშნული ფირმის საქმიანობასთან დაკავშირებით, კომპანიის დირექტორი - ლევან ზილფიმიანი გააკეთებს განცხადებას..." - წერს ლექსო თამაზაშვილი და შესაბამის ფოტოებსა და ბმულს აქვეყნებს, სადაც აღნიშნულია, რომ სიუჟეტში მოხსენიებული კომპანია "ვივის" დირექტორი ლევან ზილფიმიანია.
ტელეკომპანია "პირველზე" გასული სიუჟეტის თანახმად, თელავში მდებარე ღვინის კომპანია "ვივის" 100%-იან წილს "ვაინ კახეთი" ფლობს, "ვაინ კახეთის" 25% ლექსო თამაზაშვილის მფლობელობაშია, დანარჩენი 75% კი რუსეთის მოქალაქე რობერტ ხახალევის საკუთრებაა.
"ეს კადრი დარჩება - ახალგაზრდა ქართველი ბიჭი, ჩამოვარდნილი პირბადით, რომელიც ელარჯს აჭმევს დამპყრობელს" - გოგი გვახარია პოზნერის ვიზიტზე
"ცარიელი გული და სული იყო... არ მეგულება ადამიანი, რომ ის არ უყვარდეს" - რას წერს მეგობარი ბიჭზე, რომელმაც დედის გარდაცვალების შემდეგ საკანში თავი მოიკლა
