"ვაქცინაციის შემდეგ აღმომაჩნდა გვერდითი მოვლენები - ცოლს ვეხმარები ჭურჭლის რეცხვაში" - რომან გოცირიძის სახუმარო პოსტი აცრის შემდეგ
“ნაციონალური მოძრაობის” წევრი რომან გოცირიძე რამდენიმე დღის წინ "ასტრაზენეკას" ვაქცინით აიცრა. როგორც პოლიტიკოსმა თქვა, "ასტრაზენეკათი" გასაგები მიზეზების გამო აიცრა.
ცოტა ხნის წინ გოცირიძემ ვაქცინაციის შემდგომ სიმპტომებთან დაკავშირებით სახუმარო პოსტი გამოაქვეყნა.
"მას შემდეგ, რაც მიზანმიმართულად ასტრაზენეკათი ავიცერი, აღმომაჩნდა შემდეგი სახის გვერდითი მოვლენები:
- თავში მომდის საოცარი ლექსები,
-მხედველობა აღმიდგა ასი პროცენტით და გადავაგდე მინუს ორიანი სათვალე,
-ზუსტად გამოვიცანი საბერძნეთი
-საქართველოს ფეხბურთის მატჩის შედეგი,
-ცოლს ვეხმარები ჭურჭლის რეცხვაში,
-და ბოლოს, მართლაც რომ საოცრება-მესმის ჩემი კატის ენა, ანუ კნავილად ნათქვამი ტვინში გარდაიქმნება ადამიანურ სიტყვებად.
ეს მხოლოდ აცრიდან რამდენიმე დღის შემდეგ. წარმომიდგენია, წინ რა სიახლეები მელის. ჰო, მთლად დარწმუნებული არა ვარ, მაგრამ ისეთი შეგრძნება მაქვს, რომ ცხვირი მიმოკლდება. ნამდვილია თუ მეჩვენება, ამის შესახებ მოგვიანებით გეტყვით. თუმცა, თქმა რა საჭიროა, ისედაც შემატყობთ.ამ ტექსტის პირველ აპრილს გამოქვეყნება უბრალო დამთხვევაა. აცრას გისურვებთ და ჯანმრთელობას.პატივისცემით" - წერს გოცირიძე.
"ძალიან რომ მიჭირდა მითხარი, "ისინი დაგეხმარონო"... ჩემმა შვილმა რა დაგიშავა?" - რას წერს კარინა გრეგორიანი ჟორჟოლიანზე და რას პასუხობს ტელეწამყვანი?
"მეგონა "ღადაობდნენ" - მეჩვენება თუ ნაპრალები მიწით შეავსეს?" - რა ფოტოებს აქვეყნებს თეა გოდოლაძე ვაშლიჯვრის ფერდობიდან?
