რუსთავში, ოჯახის 5 წევრი, სავარაუდოდ, ბუნებრივი აირით მოიწამლა

რუსთავში, სავარაუდოდ, ბუნებრივი აირით ინტოქსიკაცია, ოჯახის ხუთმა წევრმა, მათ შორის ერთმა არასრულწლოვანმა მიიღო.

შემთხვევა ცოტა ხნის წინ მე-16-ე მიკრო რაიონში დაფიქსირდა.

ადგილზე მობილიზებული იყო საპატრულო პოლიცია, სასწრაფო სამედიცინო-დახმარების ბრიგადები, "სოკარ-ჯორჯია" გაზის ავარიულ-ტექნიკური ჯგუფი.

ხუთივე პირი საავადმყოფოში გადაიყვანეს, ამ დროისთვის მათი ჯანმრთელობის მდგომარეობა სტაბილურია და სიცოცხლეს საფრთხე აღარ ემუქრება.