"...ეს სავსებით მისაღები იქნება, ჯერ კიდევ გუშინ ოპონენტთა სისხლზე დაგეშილი ბიძინისტები თუ წავლენ ამაზე" - რაში ხედავს პოლიტიკური კრიზისიდან გამოსავალს დავით დარჩიაშვილი
ექსპერტი დავთ დარჩიაშვილი ქვეყანაში შექმნილ პოლიტიკურ კრიზისთან დაკავშირებით სოციალურ ქსელში წერს და აცხადებს, რომ "პოლიტპატიმართა გათავისუფლება-პლებისციტი-არჩევნები" - ამ თანმიმდევობით მოვლენათა განვითარება ყველაზე მისაღები გამოსავალია:
"დიქტატურის ჩაკირვის და მერე მისი ეროვნული მოძრაობით დამხობის ისეთი ალტერნატივა თუ არსებობს, რომელიც საქართველოს ნორმალურ, მეტნაკლებად ევროპულ პოლიტიკურ ჩარჩოში ახლავე მოაქცევს, რა თქმა უნდა, ეს შანსი გამოყენებული უნდა იქნას. ამიტომ - "არავითარი პლებისციტი, ყველაფერი ახლა და აქვე" - არასწორია. დარწმუნებული ვარ, მოსახლეობის აბსოლუტურ უმრავლესობას სიტუაციის განმუხტვა ეტაპობრივად, ევროპელი მედიატორების ეგიდით ურჩევნია. ეს, მინიმუმ, იმას ნიშნავს, რომ ევროკავშირთან ასოცირების შეთანხმებას, უვიზო მიმოსვლას და ა.შ. არაფერი დაემუქრება. შესაბამისად, თუ იქნება თანამიმდევრობა ასეთი: პოლიტპატიმართა გათავისუფლება-პლებისციტი-არჩევნები, ვფიქრობ, იგი სავსებით მისაღებია. რა თქმა უნდა, ჯერ კიდევ გუშინ ოპონენტთა სისხლზე დაგეშილი ბიძინისტები თუ წავლენ ამაზე", - წერს დავით დარჩიაშვილი.
ოპოზიციამ დაგეგმილი საპროტესტო აქციები გადადო
"ჩემს მშობლებს ახლოსაც არ მივაკარებ ასეთი გზით შემოსულ ვაქცინას... თავის ხალხზე ექსპერიმენტი ჩაატარა" - რას წერს ექიმი რუსულ ვაქცინაზე
