"2013-ში ვეცადე ამეხსნა ერთი კაცისთვის, რომ უკანონო მოსმენები ბოროტებაა... არ დამიჯერა" - რას წერს გია ხუხაშვილი გავრცელებულ ჩანაწერებზე?
ექსპერტი გია ხუხაშვილი "ტვ პირველის" დაანონსებულ აუდიოჩანაწერებს ეხმაურება.
როგორც ის "ფეისბუქზე" წერს, წყლის ნაყვაა ახლა იმაზე საუბარი, რომ ჩანაწერი 2012 წლამდეა გაკეთებული თუ ფალსიფიცირებულია.
"2013-ში ვეცადე ამეხსნა ერთი კაცისთვის, რომ უკანონო მოსმენები, როგორც პოლიტიკის კეთების ინსტრუმენტი, გარდა იმისა, რომ ბოროტებაა, პრაქტიკული გაგებითაც სახიფათოა ინიციატორისთვის, რადგან რაღაც ეტაპზე აუცილებლად გამოჩნდება სისტემის საშუალო რგოლში ვინმე განაწყენებული, რომელიც ან დაზღვევის, ან გამორჩენის მიზნით ამას შენს წინააღმდეგ გამოიყენებს.
არ დამიჯერა... ახლა იმაზე საუბარი, ეს 2012-მდე იყო თუ შემდეგ, ფალსიფიცირებულია, თუ არა, უბრალოდ წყლის ნაყვაა, რადგან ვინც მაშინ გვეჯდა ყურზე ისევ ის გვაზის, ისევე როგორც მურუსიძე გვასამართლებდა მაშინაც და ახლაც" - წერს ხუხაშვილი.
ცნობისთვის, "ტვ პირველის" ინფორმაციით, მათ მოიპოვეს ფარული აუდიო ჩანაწერი, რომლითაც მათივე მტკიცებით, ბერა ივანიშვილი ირაკლი ღარიბაშვილთან ერთად არასასურველი კომენტარების გამო, რამდენიმე პირის, მათ შორის ბავშვის დასჯას უკვეთავს.
"იმასაც კი ვერ ხვდებით, რომ ქვეყანას ვგულშემატკივრობთ... სხვების დამუნათებით იღებთ სიამოვნებას" - რას პასუხობს სპორტული ჟურნალისტი ბასილაშვილის კრიტიკოსებს
"გახარია იყო ის ერთადერთი მეხამრიდი, თუ გნებავთ ალიბი, რაც სასიცოცხლოდ მნიშვნელოვანი იყო ბიძინასთვის" - ექსპერტი
