რუსეთში "ტვიტერის“ გამოყენება შეზღუდეს - რა გახდა გადაწყვეტილების მიღების მიზეზი

"რუსეთის კომუნიკაციების მარეგულირებელმა უწყებამ "როსკომნადზორმა“ ქვეყანაში სოციალურ ქსელ "ტვიტერის“ მომსახურების სიჩქარე შეანელა", - ამის შესახებ ინფორმაციას მედია საშუალებები ავრცელებენ.

"რუსეთის მოქალაქეების უფლებების დაცვის მიზნით და იმისთვის, რომ ინტერნეტ – სერვისი ვაიძულოთ, რუსეთის ფედერაციის ტერიტორიაზე კანონმდებლობა დაიცვას, 2021 წლის 10 მარტიდან "ტვიტერთან“ დაკავშირებით მიღებულია ცენტრალიზებული რეაგირების ზომები.

კერძოდ, რეგლამენტის თანახმად, ნელდება მომსახურების სიჩქარე. შენელება განხორციელდება 100%-ით მობილურ მოწყობილობებზე და 50% -ით სტაციონარულ მოწყობილობებზე ", - ნათქვამია უწყების მიერ გავრცელებულ განცხადებაში.

უწყების განმარტებით, გადაწყვეტილების მიზეზი ის გახდა, რომ "ტვიტერმა“ აკრძალული კონტენტი საკუთარი ვებსაიტიდან არ წაშალა.