"ედუარდის კლასში ბევრი "ოცნების" ლიდერის შვილი იყო... ჩემს შვილს ხმა არასოდეს აუმაღლებია" - მიხეილ სააკაშვილი
"ისე გავზარდეთ ჩვენი შვილები, რომ არავინ არ შეუწუხებიათ, მიუხედავად იმისა, რომ ბევრი პრობლემები იყო" - ამის შესახებ საქართველოს ყოფილმა პრეზიდენტმა მიხეილ სააკაშვილმა "მთავარის" ეთერში განაცხადა, სადაც გავრცელებულ აუდიოჩანაწერებს გამოეხმაურა.
მიხეილ სააკაშვილის თქმით, პრობლემების მიუხედავად, არც მის შვილებს და არც მისი ოჯახის რომელიმე წევრს პრივილეგიებით არ უსარგებლიათ და საკუთარ თავსაც თავად იცავდნენ:
"ისე გავზარდეთ ჩვენი შვილები, რომ არავინ არ შეუწუხებიათ საერთოდ, მიუხედავად იმისა, რომ ბევრი პრობლემები იყო.
ჩემი შვილებიც დადიოდნენ ისეთ სკოლებში, სადაც სხვისი შვილებიც დადიოდნენ და იმათ ჰქონდათ სახლებიდან ნეგატივი გამოყოლილი, მაგრამ თავის თავს თვითონ იცავდნენ.
ჩემი შვილი ედუარდი იყო აღიარებული ხაზარაძის სკოლის საუკეთესო კურსდამთავრებულად მრავალი წლის განმავლობაში, დღემდე მისი რეკორდი არავის არ მოუხსნია.
მიუხედავად იმისა, რომ შიგნით ბევრ ადამიანს არ მოსწონდა, ყველა დაბრკოლება გადალახა ისე, რომ ხმა არ აუმაღლებია არასდროს. ძალიან ბევრი "ოცნების" ლიდერის შვილი იყო მის კლასში და მე არ მახსოვს კონფლიქტი ,-აღნიშნა მიხეილ სააკაშვილმა.
"საქართველოში პოლიტიკური ვითარება ღრმა შეშფოთების მიზეზად რჩება" - ნატო-ს საპარლამენტო ასამბლეის პრეზიდენტი ოპოზიციას და ხელისუფლებას მიმართავს
გია გაჩეჩილაძე საზოგადოებრივ მოძრაობას, "აი იას" აფუძნებს - "მე მგონი, ქვეყანა იმ დღეშია, რომ თავზე ზემოთ უნდა ავხტეთ"
