ავტორი:

მილიარდ რუბლზე მეტი კადიროვის ოჯახის დაცვისთვის - "საფრთხე გაიზარდა და ჩეჩნეთის ლიდერის რეზიდენციასა და სასახლეებს 400-ზე მეტი სამხედრო იცავდა"

მილიარდ რუბლზე მეტი კადიროვის ოჯახის დაცვისთვის - "საფრთხე გაიზარდა და ჩეჩნეთის ლიდერის რეზიდენციასა და სასახლეებს 400-ზე მეტი სამხედრო იცავდა"

ერთი მილიარდ რუბლზე მეტი რამზან კადიროვის ოჯახის დაცვისთვის - ასეთია openmedia.io-ის მიერ მომზადებული ანგარიში, რომლის მიხედვითაც კადიროვის ოჯახის წევრებისა და მისი გარემოცვის დაცვაში ბოლო ხუთ წელიწადში უპრეცედენტო რაოდენობის თანხა დაიხარჯა. აქამდე მისი ოჯახის წევრების დაცვაში გადახდილი თანხა 200 მილიონ რუბლს შეადგენდა.

"თუმცა, ბოლო ხანებში, ჩეჩნეთის ლიდერის შეფასებით, საფრთხე გაიზარდა... ამიტომ მათ საკუთრებაში არსებულ უძრავ ქონებას, რეზიდენციასა და ორ კერძო სახლს, რომელსაც სასახლე უფრო ეთქმის და მისი ბინადრების უსაფრთხოებას "როსგვარდიის" 400-ზე მეტი სამხედრო იცავდა, რომელთაც კადიროვის ხელისუფლებასთან ყოველწლიური კონტრაქტი აქვთ" - წერენ ჟურნალისტები, რომელთა ცნობითაც, 2021 წლის 11 მარტის მონაცემებით, კონტრაქტორებისთვის გადახდილმა თანხამ 201,4 მილიონი რუბლი შეადგინა.

გასული წლების სატენდერო დოკუმენტაციის თანახმად, თუნდაც 2017 წლის მონაცემებით, კადიროვების სამფლობელოს 430 მეომარი იცავდა, რომლებიც სხვადასხვა შენობებში იყვნენ გადანაწილებული. განსაკუთრებული დაცვა ჰყავდა გროზნოს რეზიდენციას. შესაბამისად, დაცვის უმეტესობა სწორედ იქ იყო გადანაწილებული.

გამოცემის ცნობით, კადიროვის ოჯახის დაცვას ფინანსურად ორი სახელმწიფო უწყება უზრუნველყოფს, ისინი ჩეჩენთის ლიდერის მამის, ჩეჩნეთის პირველი პრეზიდენტის, აჰმად კადიროვის სახლსაც იცავენ, რომელსაც დროდადრო სტუმრობს კადიროვი უმცროსი.

Transparency Internationa-ის ცნობით, სრული თანხა რუსეთის ფედერაციის ბიუჯეტიდან ირიცხება, რაც ადგილობრივი ანტიკორუფციული სამსახურების კრიტიკის საგანია.

2019 წელს, კადიროვის ცოლის მიერ შევსებულ ფინანსურ დეკლარაციაში მისი შემოსავლები 147, 9 მილიონ რუბლს შეადგენდა. ბოლო მონაცემებით, მისი რაოდენობა 40-ჯერ გაიზარდა. ტელეკომპანია "Дождь"-ის ინფორმაციით, კადიროვის მფლობელობაში არსებული ბიზნეს-ჯეტის შემოსავალი, ორი მილიარდ რუბლს შეადგენდა.

2020 წლის ივლისში, დამოუკიდებელმა გამოცემა "პროექტმა" ის აქტივები გამოიძია, რომელიც რამზან კადიროვსა და მის მრჩეველს, დუმის დეპუტატ ადამ დელიმხანოვს ეკუთვნის, თუმცა ოფიციალურად, მათ მინიმალურ მფლობელებად ითვლებიან. კომპანიის შემოსავალი ასობით მილიონი დოლარია. ჩეჩენი მაღალჩინოსნები პარტნიორებს კონფლიქტური სიტუაციების მოგვარებაში ეხმარებიან და წილებს აქედანაც იღებენ. კადიროვის გარემოცვის წევრები და ჩეჩნეთის ე.წ. ელიტის წარმომადგენლები უძრავ ქონებას ფლობენ მოსკოვის ელიტარულ საცხოვრებელ კომპლექსებში.

ჩეჩნეთის ლიდერის მრავალრიცხოვან და მაღალბიუჯეტიან დაცვას ადგილობრივ მოსახლეობის ნაწილში კრიტიკული განწყობები მოჰყვა. ზოგიერი მიიჩნევს, რომ კადიროვი დღეს თუ ხვალ ისევე დაასრულებს, როგორც სხვა დიქტატორებმა დაასრულეს.

"კადაფს უფრო ძლიერი დაცვა ჰყავდა. მეტი ფინანსებით და ძლიერი შეიარაღება, მაგრამ მაინც დაეცა... სხვა უამრავი მაგალითიც არსებობს, როდესაც თუნდაც 20 წლიანი მმართველობის შემდეგ, დიქტატორი დამარცხდა."

"სანამ პუტინია, კადიროვიც იქნება, ამიტომ რუსმა ხალხმა ჯერ მთავარი დიქტატორი უნდა მოიშოროს... სხვა შემთხვევაში, რუსეთის ისედაც დანგრეული ეკონომიკიდან ფინანსები დაუნანებლად გადაირიცხება ჩეჩნეთის ლიდერის კომფორტულ სასახლეებში..." - წერს ერთ-ერთი ინტერნეტმომხმარებელი "ისმაილ ბელი".

"13 ივნისი არის დღე, რომელიც დედაქალაქს ყოველთვის ემახსოვრება" - კახა კალაძე

"ჩემს ქვეყანას რომ დასჭირდეს, ახლაც იმავეს გავაკეთებდი“: აფხაზეთის ომში დაჭრილი ბიჭის სულისშემძვრელი ამბავი - მას საზოგადოების თანადგომა სჭირდება

საქართველოში კორონავირუსის 522 ახალი შემთხვევა გამოვლინდა - რამდენი ტესტი გაკეთდა ბოლო 24 საათში და როგორია ეპიდვითარება ქვეყანაში