"შვილი რომ დაინახა ასეთ მდგომარეობაში, ალბათ გული გაუსკდა და ისიც ჩამოვარდა" - რას ყვებიან ქობულეთში გარდაცვლილ მამა-შვილზე?
ქობულეთში, სახურავის შეკეთებისას, მამა-შვილი ჩამოვარდა და ორივე ადგილზე გარდაიცვალა.
უბედური შემთხვევის დეტალებს ადგილობრივები იხსენებენ.
მათი თქმით, მამა-შვილი - 61 წლის მემედ და 31 წლის გურამ ჯინჭარაძეები მეზობელს სახლის სახურავის გაკეთებაში ეხმარებოდნენ. მათი თქმით, სახურავიდან ჯერ შვილი, შემდეგ კი მამა ჩამოვარდა.
"სახლის დახურვაზე მუშაობდნენ. პირველად შვილი ჩამოვარდა, შემდეგ კი - მამაც" - ამბობს ადგილობრივი რეზო ტარიელაძე.
"შვილი რომ დაინახა ასეთ მდგომარეობაში, ალბათ გული გაუსკდა და ისიც ჩამოვარდა", - აცხადებენ მომხდარის თვითმხილველები.
ახლობლების თქმით, 31 წლის გურამ ჯინჭარაძეს სამი მცირეწლოვანი შვილი და ცოლი დარჩა. დაღუპულები ქობულეთში ხაბაძის ქუჩაზე ცხოვრობდნენ.
მომხდარის გამოძიება "სისხლის სამართლის ლოდექსის" 124-ე მუხლით დაიწყო, რაც გაუფრთხილებლობით ჯანმრთელობის მძიმე ან ნაკლებად მძიმე დაზიანებას გულისხმობს.
"მე ხომ არ გამოვხატავ აგრესიას?" - ვრცელდება ვიდეოკადრები, გოგი წულაიას საქმიდან
"ბებიამ არასრულწლოვნები დააჩოქა და მისი შვილიშვილისთვის ბოდიში მოახდევინა, მოხდა ფაქტის ვიდეოგადაღება" - პროკურატურა ლაგოდეხში მომხდარ ფაქტზე
