ავტორი:

1-ელი აპრილიდან მუშაობას საბავშვო გასართობი ცენტრები და კინოთეატრები განაახლებენ - როგორი იქნება შეზღუდვების მოხნის შემდეგი ეტაპი

1-ელი აპრილიდან მუშაობას საბავშვო გასართობი ცენტრები და კინოთეატრები განაახლებენ - როგორი იქნება შეზღუდვების მოხნის შემდეგი ეტაპი

მთავრობის ადმინისტრაციის უფროსის, ილია დარჩიაშვილის განცხადებით, 19 მარტიდან კვების ობიექტებში ცოცხალი მუსიკა იქნება დაშვებული, პირველი აპრილიდან კი რეგულაციების დაცვით მუშაობის განახლების საშუალება მიეცემათ საბავშვო გასართობ ცენტრებსა და კონოთეატრებს.

„როგორც მოგეხსენებათ, ქვეყანაში პანდემიის გამო მოქმედი შეზღუდვების უმეტესი ნაწილი უკვე შემსუბუქებულია. დღეს საკოორდინაციო საბჭომ მიიღო შეზღუდვების დამატებითი შემსუბუქების გადაწყვეტილება. პირველი აპრილიდან რეგულაციების დაცვით მუშაობის განახლების საშუალება მიეცემათ საბავშვო გასართობ ცენტრებსა და კონოთეატრებს.

უკვე ხვალიდან, 19 მარტიდან, დასაშვები იქნება ცოცხალი მუსიკა კვების ობიექტებში. ასევე, მოგეხსენებათ, რომ 28 მარტს დაგეგმილია საქართველო-ესპნაეთის ნაკრების საფეხბურთო მატჩი. საკოორდინაციო საბჭომ მიიღო გადაწყვეტილება, დაუშვას მასზე მაყურებლის დასწრება, დისტანციისა და ყველა შესაბამისი ეპიდემიოლოგიური უსაფრთხოების სტანდარტის დაცვით, სტადიონზე დაშვებული იქნება მაყურებელთა 30%,“ - განაცხადა დარჩიაშვილმა.

ამასთან, მისივე თქმით, ძიუდოში გრანდ-სლემი იმართება, რომელზეც ასევე დაიშვება მაყურებელთა 30%.

ცნობისთვის, ფეხბურთის მსოფლიო ჩემპიონატის საკვალიფიკაციო ეტაპზე საქართველოს ნაკრები პირველ შეხვედრას შვედეთის წინააღმდეგ 25 მარტს გამართავს. შვედეთის შემდეგ საქართველოს ნაკრები თბილისში, 28 მარტს ესპანეთის ნაკრებს უმასპინძლებს. საკვალიფიკაციო ეტაპის მესამე ტურში, 31 მარტს ჩვენი გუნდი სტუმრად საბერძნეთს დაუპირისპირდება.

ასევე ნახეთ: ე.წ. კომენდანტის საათი კვლავ ძალაში რჩება - როგორ ხსნიან გადაწყვეტილებას მთავრობაში?

რა გახდა თბილისსა და რეგიონებში დენის გათიშვის მიზეზი - "შეწყდა თურქეთიდან ელექტროენერგიის იმპორტი..."

"რუსეთის ფასი იმდენად ძვირია..." - რა ტარიფით შემოაქვს ექსპრემიერ ნოღაიდელის კომპანიას ელექტრენერგია აზერბაიჯანიდან?

ქუთაისში "ნამახვანჰესის" წინააღმდეგ აქციის მონაწილეებს ახალი მოთხოვნა აქვთ - "გადადგეს ნათია თურნავა"