ე.წ. ოცნების ქალაქის მცხოვრებლებმა საცხოვრებელი ფართებით დაკმაყოფილების მოთხოვნით გზა გადაკეტეს

ე.წ. ოცნების ქალაქის მცხოვრებლებმა ხელვაჩაური - ბათუმის ცენტრალური საავტომობილო გზა გადაკეტეს. მათი განცხადებით, ამ ფორმით პროტესტის გამოხატვას ცდილობენ და აჭარის მთავრობის თავმჯდომარე თორნიკე რიჟვაძესთან შეხვედრას ითხოვენ.

"ბატონმა რიჟვაძემ წარმოგვიდგინოს დოკუმენტაცია და თითოეულთან დადოს ხელშეკრულება, რომ ფართებით დავკმაყოფილდებით.

ვთქვით, რომ პროტესტის შეწყვეტას არ ვაპირებდით და ასეც მოხდება. აქ წლებია გაუსაძლის პირობებში ვცხოვრობთ, შენდება სახლები, მაგრამ ვინ დაკმაყოფილდება არ ვიცით", - აცხადებენ აქციის მონაწილეები

ისინი პროტესტის ნიშნად გზაზე დასხდნენ.