დონალდ ტრამპი, რომელსაც სოციალური ქსელების ნაწილმა ანგარიში წაუშალა, სოცქსელის საკუთარ პლატფორმას ქმნის

აშშ-ის ექსპრეზიდენტ დონალდ ტრამპს, სოციალური ქსელების დიდმა ნაწილმა ანგარიშები წაუშალა, თუმცა ის ვირტუალურ სივრცეს მალე ახალი, საკუთარი პლატფორმით დაუბრუნდება. ამის შესახებ Fox News-ს ტრამპის პრესსპიკერმა განუცხადა.

"დონალდ ტრამპი სოციალურ მედიას 2-3 თვეში დაუბრუნდება, მაგრამ ის დაბრუნდება საკუთარი პლატფორმით, რომელიც მილიონობით ადამიანის ყურადღებას მიიპყრობს. ყველას დააინტერესებს, რას აკეთებს დონალდ ტრამპი. მას საკუთარი პლატფორმა ექნება", - ამბობს ჯეისონ მილერი.

ჯერჯერობით არ არის ცნობილი, თუ რა იქნება ტრამპის პირადი სოციალური ქსელის სახელი.

დონალდ ტრამპი ყველაზე უფრო აქტიურად Twitter-ს იყენებდა, თუმცა აღნიშნული სოციალური ქსელის ადმინისტრაციამ მიიჩნია, რომ ექსპრეზიდენტი დეზინფორმაციას ავრცელებდა, რის გამოც ანგარიში წაუშალეს, ასევე ანგარიში წაუშალეს ფეისბუქსა, იუთუბზე.

YouTube-ის ადმინისტრაციის განცხადებით, აღნიშნულ ქსელში ტრამპის არხზე ატვირთულმა ვიდეომ ძალადობის წახალისება გამოიწვია, რის გამოც ადმინისტრაციამ ვიდეო წაშალა.

წყარო: CNN.com