ავტორი:

"ასტრაზენეკა" - აშშ-ში ჩატარებულმა კვლევამ ვაქცინის 79%-იანი ეფექტურობა აჩვენა, თრომბის წარმოქმნის გაზრდილი რისკი კი არ დადასტურდა

"ასტრაზენეკა" - აშშ-ში ჩატარებულმა კვლევამ ვაქცინის 79%-იანი ეფექტურობა აჩვენა, თრომბის წარმოქმნის გაზრდილი რისკი კი არ დადასტურდა

„ასტრაზენეკასა“ და „ოქსფორდის უნივერსიტეტის“ ვაქცინამ აშშ-ში ჩატარებულ კვლევაში სიმპტომური დაავადების პრევენციის კუთხით 79%-იანი ეფექტურობა აჩვენა, - ამის შესახებ კომპანია „ასტრაზენეკამ“ განაცხადა.

ამასთან, ფარმაცევტული კომპანიის ცნობით, კვლევის შედეგად აღმოჩნდა, რომ ვაქცინა დაავადების მძიმე და კრიტიკული ფორმების წინააღმდეგ 100%-ით ეფექტურია.

„ასტრაზენეკაში“ ასევე აცხადებენ, რომ უსაფრთხოების დამოუკიდებელმა კომიტეტმა აშშ-ში ჩატარებული კვლევის ფარგლებში თრომბისა და ცერებრალური ვენური სინუსის თრომბოზის წარმოქმნასთან დაკავშირებული შემოწმებაც ჩაატარა და დაადგინა, რომ კვლევაში მონაწილე 21 583 ადამიანში, რომლებსაც ვაქცინის სულ მცირე ერთი დოზა გაუკეთდა, თრომბოზის ან მისთვის დამახასიათებელი მოვლენების რისკი არ გაზრდილა.

კომპანიის ცნობით, კვლევის შედეგად არც ცერებრალური ვენური სინუსის თრომბოზის შემთხვევა არ დაფიქსირებულა.

მეცნიერები მუშაობენ კორონავირუსის საწინააღმდეგო ვაქცინაზე, რომელსაც აბის ფორმა აქვს - რა მოლოდინი აქვთ მეცნიერებს დასალევი ვაქცინისგან

"ახალ პანდემიაში ვართ, ბრიტანული მუტაცია დომინანტური გახდა" - გერმანიაში აღდგომის დღესასწაულის წინ შეზღუდვები მკაცრდება

"პუტინი მკვლელია. ის ტირანია, რომლის სამიზნეც თავისუფლების მოყვარე ხალხია" - ადამ კინზინგერი პუტინზე