15 ადამიანი გამოქვაბულში 40 დღეს გაატარებს - უცნაური ექსპერიმენტი საფრანგეთში, რომელსაც მწვავედ აკრიტიკებენ

მსოფლიოში არაერთი უცნაური და საინტერესო ექსპერიმენტი ჩატარებულა, რომელთა ინსპირაციის წყარო სხვადასხვა მნიშვნელოვანი მოვლენიდან იღებს სათავეს. ამჯერად, კორონავირუსის პანდემიით შექმნილმა ვითარებამ, ფრანგ მკვლევარებს უჩვეულო ექსპერიმენტის იდეა შთააგონა, რომლის მიზანიც იზოლირებულ გარემოში ადამიანის ქმედებების შესწავლაა. მათ გადაწყვიტეს ექსპერიმენტის ფარგლებში მონაწილეები ერთ სივრცეში გამოეკეტათ, სადაც დიდ დროს გაატარებდნენ და გარე სამყაროსთან კომუნიკაცია არ ექნებოდათ.

კვლევის ადგილად საფრანგეთის სამხრეთ ნაწილში, არიეგის რეგიონის ერთ-ერთი მღვიმე აირჩიეს, რომელიც გარემოსგან იზოლირებულია და კარგად არ ნათდება. მკვლევარების თქმით, ექსპერიმენტის მიზანია, გაიგონ თუ როგორ მოქმედებს ადამიანისთვის დროისა და სივრცის დაკარგვის შეგრძნება, ასევე საინტერესოა რა ემოციურ გავლენას მოახდენს ადამიანების ფსიქოლოგიაზე აღნიშნული ექსპერიმენტი.

"დროის აღქმის დაკარგვა, ყევლაზე დიდი დეზორიენტაციის შეგრძნებაა ადამიანისთვის. დღემდე არ ვიცით, ზუსტად როგორ ესმის და მართავს ჩვენი შემეცნებითი სისტემა ამ განუსაზღვრელ უწყვეტობას, გარემოს, სადაც დროის აღქმა შეუძლებელია. ექსპერიმენტით სწორედ ამ ფენომენის უკეთ შესწავლა გვსურს" - აცხადებენ იდეის ავტორები.

ექსპერიმენტში მონაწილეობის მისაღებად მკვლევარებმა 15 მოხალისე აარჩიეს, მათ შორის 7 ქალია და 8 მამაკაცი. მოხალისეთა ასაკი 27-დან 50 წლამდეა. ექსპერიმენტი სულ 40 დღის განმავლობაში გაგრძელდება. ის 14 მარტს დაიწყო და 22 აპრილამდე უნდა გაგრძელდეს წაიკითხეთ ვრცლად და ნახეთ ფოტოები