ავტორი:

როგორ ირჩევდნენ სპეციალობას ადრე და როგორ ირჩევენ ახლა

როგორ ირჩევდნენ სპეციალობას ადრე და როგორ ირჩევენ ახლა

ერთიან ეროვნულ გამოცდებზე რეგისტრაციის პროცესი ფინალურ ეტაპს უახლოვდება -აბიტურიენტებს სულ უფრო ცოტა დრო რჩებათ გამოცდებზე დასარეგისტრირებლად და სასურველი უნივერსიტეტების ასარჩევად.

როგორ ირჩევდნენ უმაღლეს სასწავლებლებსა და სპეციალობებს ადრე და რა შეიცვალა დღემდე? როგორ იღებენ გადაწყვეტილებას თანამედროვე აბიტურიენტები და როგორ შეცვალეს დღემდე მიდგომა უნივერსიტეტებმა?

ღია კარის დღეები

სხვადასხვა უნივერსიტეტები ყოველწლიურად აცხადებენ ღია კარის დღეებს აბიტურიენტებისთვის. როგორც წესი, ასეთ დროს, აბიტურიენტები ადგილზე ეცნობიან უმაღლესი სასწავლებლების შეთავაზებებს, სპეციალობებსა და პროგრამებს; სვამენ კითხვებს და იღებენ პასუხებს.

ეს მიდგომა დღემდე შეუცვლელი და პოპულარულია, ძალიან მარტივი მიზეზის გამო: აბიტურიენტი ადგილზე უფრო მარტივად იღებს გადაწყვეტილებას, ვიდრე - დისტანციურად მიიღებდა. ამიტომაც, თუკი აბიტურიენტი ხარ, აუცილებლად ეწვიე სასურველ უნივერსიტეტს; ნახე შენობა და ინფრასტრუქტურა; გაეცანი პროგრამების ხელმძღვანელებს და დასვი ყველა კითხვა, რაც გაქვს. დღესდღეობით პანდემიის გამო უამრავმა უნივერსიტეტმა ღია კარის დღე ონლაინ-რეჟიმში გადაიტანა, რითაც კიდევ უფრო გამარტივდა ინფორმაციის მოძიება.

გამოცდილთა რჩევები

თუკი ადრე აბიტურიენტს შესაძლებლობა ჰქონდა, ესარგებლა მშობლების ან ოჯახის ახლობლების რჩევებით ან, უბრალოდ, მარტივი გზა აერჩია და გაჰყოლოდა მშობლების კვალს, დღეს, თანამედროვე ტექნოლოგიებმა ეს მეთოდი კიდევ უფრო მასშტაბური გახადა: სოციალურ ქსელებში აბიტურიენტთა ჯგუფებში უამრავ აბიტურიენტთან ერთად შეხვდებით უმაღლესი სასწავლებლების წარმომადგენლებსაც, რომლებიც სიამოვნებით აგიხსნიან და დაგაკვალიანებენ სასურველი პროგრამების შესახებ; აქვე შეხვდებით უნივერსიტეტების კურსდამთავრებულებსაც, რომლებიც თავიანთ გამოცდილებას გაგიზიარებენ, შედეგად, შენი არჩევანი კიდევ უფრო გაცნობიერებული გახდება.

ვებგვერდი და სოციალური ქსელების ანგარიშები

ერთია თუ რას ამბობს უნივერსიტეტის წარმომადგენელი საკუთარი თავის შესახებ ღია კარის დღეზე, მაგრამ მეორეა, თუ რას ამბობს უმაღლეს სასწავლებელზე ფეისბუქ-გვერდი. განსაკუთრებით აქტიური სტუდენტური ცხოვრებისა და გართობის შესახებ ინფორმაცია აქ ყველაზე კარგად ჩანს: სპორტული კლუბები, ხელოვნების წრეები და სტუდიები; საინტერესო ექსპედიციები და შეჯიბრებები; წვეულებები და, უბრალოდ, კარგი გართობა კარგი სწავლის პარალელურად - ესაა ის, რაზეც ყველა მომავალი სტუდენტი ოცნებობს.

საბოლოო ჯამში აუცილებლად ისარგებლე თითოეული ზემოთდასახელებული წყაროთი; გამოიყენე ყველა გზა იმისთვის, რომ შენი არჩევანი ინფორმირებული იყოს.

კავკასიის საერთაშორისო უნივერსიტეტი თითოეულ აბიტურიენტს უამრავ შესაძლებლობას სთავაზობს: ხუთი ფაკულტეტი და 12 საგანმანათლებლო პროგრამა; სტუდენტზე მორგებული დაფინანსების მოდელები; ხალისიანი და ნაყოფიერი სტუდენტური ცხოვრება; წარმატებული და პროფესიონალი ლექტორები - ამ და კიდევ უამრავი მნიშვნელოვანი კომპონენტით კავკასიის საერთაშორისო უნივერსიტეტში სტუდენტობა 100%-ით დასამახსოვრებელი და ნაყოფიერი გახდება თითოეული სტუდენტისთვის!

ამიტომაც გააკეთე ინფორმირებული არჩევანი და აირჩიე 115!

NS

გაუკეთდებათ თუ არა ვაქცინის მეორე დოზა იმ მოქალაქეებს, რომლებსაც პირველი დოზის მიღების შემდეგ კორონავირუსი დაუდგინდებათ?

უსაფრთხოა თუ არა ვაქცინაცია იმ ადამიანებისთვის, ვინც კორონავირუსი შესაძლოა უსიმპტომოდ გადაიტანეს და არ იციან - ამირან გამყრელიძის კომენატრი

399 ახალი ინფიცირებული და 10 გარდაცვლილი - როგორია ბოლო დღე-ღამის მონაცემები კორონავირუსის შესახებ