სუეცის არხში გიგანტური გემი გაიჭედა, რის გამოც გემების საცობი წარმოიქმნა (+ ფოტოები)

სუეცის არხში გიგანტური კონტეირმზიდი გაიჭედა და მისი გამოყვანა, ძალისხმევის მიუხედავად, ამ დრომდე ვერ ხერხდება. 400 მეტრის სიგრძის გემი ამ ადგილას სამშაბათიდან გაჭედილია.

ცნობისთვის, სუეცის არხი უმნიშვნელოვანესი სავაჭრო სატრანზიტო მონაკვეთია და გიგანტური ტანკერის გაჭედვის გამო საცობია წარმოქმნილი.

BBC-ის ცნობით, მის გამოსვლას ამ დროისთვის 150 გემი ელოდება, რათა გზა გააგრძელონ.

გემი სახელად Ever Given პანამაშია დარეგისტრირებული, მას ოპერირებას უწევს ტაივანური კომპანია Evergreen და ის ჩინეთიდან ნიდერლანდების საპორტო ქალაქ როტერდამისკენ მიცურავდა. გემის წონა 200 000 ტონაა.