"4 თვეა, ოპოზიციის ნაწილი მოქალაქეებს, ქვეყნის ჯანჯღარსა და არევაში, თვეში ნახევარ მილიონ ლარზე მეტს ახდევინებს" - რას წერს შალვა პაპუაშვილი?

„ქართული ოცნების“ წევრი შალვა პაპუაშვილი აცხადებს, რომ 4 თვეა, ოპოზიციის ნაწილი, ჩვენს მოქალაქეებს, ქვეყნის ჯანჯღარსა და არევაში, თვეში ნახევარ მილიონ ლარზე მეტს ახდევინებს. ამის შესახებ პაპუაშვილი სოციალურ ქსელში წერს და ბოლო 4 თვის განმავლობაში პარტიების საბიუჯეტო დაფინანსების შესახებ ინფორმაციას ავრცელებს.

"ნაცვლად იმისა, რომ პარლამენტში ჩვენი მოსახლეობის რეალურ პრობლემებზე მუშაობდნენ, წყლის ამღვრევის და ძალაუფლების მოპოვების სქემებს ალაგებენ და ამაში, ჩვენ ყველას, ჯამში უკვე 2.500.000 ლარი გადაგვახდევინეს“, - აცხადებს პაპუაშვილი.