ოკუპირებული აფხაზეთის ე.წ. შსს-ში ბოდიში მოახდევინეს გოგონას, რომელმაც თქვა, რომ "აფხაზეთი საქართველოა" - "ძალიან ვნანობ და პატიებას ვითხოვ"
აფხაზეთის ოკუპირებული რეგიონის ე.წ. შინაგან საქმეთა სამინისტრო სოციალურ ქსელ TikTok- ში ვიდეოს გამოქვეყნების ფაქტს ამოწმებს, რომელშიც ახალგაზრდა გოგონა ალიონა ტანია აცხადებს: "აფხაზეთი საქართველოა" - ამის შესახებ ინფორმაციას გამოცემა "ეხოკავკაზა" დე ფაქტო უწყებაზე დაყრდნობით ავრცელებს.
ე.წ. "შინაგან საქმეთა სამინისტროს“ პრესსამსახურის განცხადებით, "უწყებაში" "აღშფოთებული მოქალაქეებისგან უამრავი საჩივარი შევიდა", რის შემდეგაც ისინი გოგონასა და მის მშობლებს გაესაუბრნენ.
დე ფაქტო უწყებაში აცხადებენ, რომ ალიონა ტანიამ მათ „განმარტებები მისცა". ისინი აქვეყნებენ ვიდეოს, სადაც 19 წლის გოგონა ბოდიშს იხდის.
"მე გამოვაქვეყნე ვიდეო, სადაც ვამბობ, რომ "აფხაზეთი საქართველოა". მე მთხოვეს ამის გაკეთება. ძალიან ვნანობ და პატიებას ვითხოვ," - აცხადებს გოგონა.
ვიდეო, სადაც გოგონა აცხადებს, რომ "აფხაზეთი საქართველოა" მისი TitTok-ის ანგარიშიდან უკვე წაშლილია.
"შეხვედრა ქართულ რესტორანში შედგა" - აფხაზეთის "პრეზიდენტის" გასაიდუმლოებული ვიზიტი რუსეთში ავტორიტეტულ ქართველ ბიზნესმენებთან და გამოხმაურებები სოხუმიდან
"აქამდე მეგონა, მხოლოდ აფხაზეთში ვაბოლებდით ვიღაცეებს" - ოჩამჩირელი ქალის თაღლითური სქემა და ბინის გარეშე დარჩენილი რუსი მილიარდერი
