"ქვეყანაში "კოვიდ-19"-ის გარდა, სხვა კორონავირუსებიც ცირკულირებს - ისინი გაციებას იწვევს და ჩვეულებრივი მიმდინარეობა აქვს" - იმნაძე
დაავადებათა კონტროლის ეროვნული ცენტრის ხელმძღვანელის მოადგილის, პაატა იმნაძის განცხადებით, ქვეყანაში ამ დროისთვის, გარდა „კოვიდ-19“-ისა, სხვა კორონავირუსებიც ცირკულირებს, რომელიც გაციებას იწვევს და ჩვეულებრივი მიმდინარეობა აქვს.
როგორც მან "ინტერპრესნიუსის" კითხვის საპასუხოდ განაცხადა, ამის გარჩევის ერთადერთი გზა არის ის, მოქალაქემ, პირველ რიგში, ჩაიტაროს კორონავირუსზე ტესტი.
"სხვა ტიპის ვირუსებთან დაკავშირებით მონიტორინგი ყოველკვირეულად მიმდინარეობს ქვეყანაში. ბოლო კვირებში სხვა ე.წ. გაციების ვირუსებიც ცირკულირებენ, მათ შორის აღსანიშნავია, რომ ამ კოვიდის გარდა, ჩვეულებრივი კორონავირუსებიცაა, რომლებიც გაციებას იწვევს და ჩვეულებრივად მიმდინარეობს.
გარდა ამისა, გარკვეული ადენოვირუსებიც, რინოვირუსებიცაა, ძირითადად სურდოს რომ იწვევენ. ამის გარჩევის ერთადერთი გზა არის ის, რომ თუ ადამიანს აქვს ტემპერატურა და რაიმე სიმპტომი, პირველ რიგში, ჩაიტაროს კორონავირუსზე ტესტი",- განაცხადა იმნაძემ.
საპატრიარქო აღდგომის დღესასწაულთან დაკავშირებით მრევლს მიმართავს
"გადაღების წინ 40 დღე ჩაიკეტა, გამორთო ტელეფონი და ტექსტს სწავლობდა..." - რას იხსენებენ ლეგენდარული მსახიობის ცხოვრებიდან მისი მეგობრები და კოლეგები?
