ანზორ ერქომაიშვილი მთაწმინდის პანთეონში დაკრძალეს

ანზორ ერქომაიშვილი მთაწმინდის მწერალთა და საზოგადო მოღვაწეთა პანთეონში, ისტორიკოს სიმონ ჯანაშიასა და აკადემიკოს ნიკო ბერძენიშვილს შორის დაკრძალეს.

სამების საკათედრო ტაძარში ანზორ ერქომაიშვილის ოჯახს დღეს საქართველოს პრეზიდენტმა სალომე ზურაბიშვილმა, პრემიერმა ირაკლი ღარიბაშვილმა, პარლამენტის თავმჯდომარემ არჩილ თალაკვაძემ, მთავრობის და პარლამენტის წევრებმა მიუსამძიმრეს.

ცნობისთვის, ანსამბლ „რუსთავის“ დამაარსებელი ანზორ ერქომაიშვილი 80 წლის ასაკში 31 მარტს გარდაიცვალა.

მუსიკოსი, ფოლკლორისტი და საქართველოს ხელოვნების დამსახურებული მოღვაწე ანზორ ერქომაიშვილი ვოკალურ ანსამბლ „რუსთავს“ 1968 წლიდან ხელმძღვანელობდა. გამოცემული აქვს მის მიერვე ჩაწერილი 7 ქართული (გურული) ხალხური სიმღერა.

დაჯილდოებულია ბრწყინვალების საპრეზიდენტო ორდენით.