"ვაჟის ტრაგედიამ ახალგაზრდა გურამი შინაგანად გადატეხა, წავიდა თავის ულამაზეს ირაკლისთან" - რას იხსებებს მაია ორჯონიკიძე დოჩანაშვილზე?

პუბლიცისტი მაია ორჯონიკიძე გურამ დოჩანაშვილის გარდაცვალების ფაქტს ეხმაურება და მწერლის ცხოვრების ყველზე მძიმე პერიოდს იხსენებს, როდესაც მან ვაჟი დაკარგა.

"ძალიან მეწყინა. ფაქტობრივად მის ხელში გავიზარდე-მეზობლები ვიყავით და სულ ახალგაზრდა გურამ დოჩანაშვილი მახსოვს...მასაც ერთ ძალიან გამხდარ და ცნობისმოყვარე გოგოდ ვახსოვდი 70-იანი წლების ბოლოდან.

მახსოვს მისი ულამაზესი ვაჟის ტრაგედიაც,რომელმაც ჯერ კიდევ ახალგაზრდა გურამი შინაგანად გადატეხა...მახსოვს ჩვენი საუბრებიც ლიტერატურაზე და არა მხოლოდ...

დედაჩემს ჩემზე მუდამ განსაკუთრებული სიყვარულით ესაუბრებოდა და მეც ძალიან მიყვარდა.ბოლოს ათი წლის წინ ვნახე,როცა იზას გარდაცვალების შემდეგ ბინა გამოვიცვალე...60-იანელების დიდი ლიტერატურული თაობა თითქმის აღარ დარჩა ვუსამძიმრებ ოჯახს.ფოტო: 2009 წელი,გურამის დაბადების დღე... წავიდა თავის ულამაზეს ირაკლისთან" - იხსენებს მაია ორჯონიკიძე.

82 წლის ასაკში ქართველი გურამ დოჩანაშვილი გარდაიცვალა. მწერალის მდგომარეობა ორი კვირის წინ დამძიმდა. ის ამ პერიოდის განმავლობაში "ნიუჰოსპიტალში" იყო მოთავსებული. ექიმების თქმით, მდგომარეობა მძიმე იყო და მწერალი მართვით სუნთქვაზე იმყოფებოდა.

გურამ დოჩანაშვილი 1939 წლის 26 მარტს ქ. თბილისში დაიბადა. 1962 წელს დაამთავრა თსუ-ის ისტორიის ფაკულტეტი. 1968 წელს გურამ დოჩანაშვილი მწერალთა კავშირში მიიღეს. გურამ დოჩანაშვილის პირველი მოთხრობები 1961 წელს დაიბეჭდა ჟურნალ „ცისკარში“. მწერალი არის ლიტერატურული პრემია - "საბას" ლაურეატი ნომინაციაში - "ლიტერატურის განვითარებაში შეტანილი განსაკუთრებული წვლილისთვის".