ავტორი:

ოზურგეთში მომხდარ ავარიას ახალგაზრდა ქალის სიცოცხლე ემსხვერპლა - "მანქანაში დედა ორ მცირეწლოვანთან ერთად იმყოფებოდა"

ოზურგეთში მომხდარ ავარიას ახალგაზრდა ქალის სიცოცხლე ემსხვერპლა - "მანქანაში დედა ორ მცირეწლოვანთან ერთად იმყოფებოდა"

ოზურგეთში მომხდარ ავარიას ახალგაზრდა ქალის სიცოცხლე ემსხვერპლა. შემთხვევა ცოტა ხნის წინ აღმაშენებლის ქუჩაზე მოხდა. არსებული ინფორმაციით, მაღალი სიჩქარით მოძრავი "ჰუნდაის“ მარკის ავტომობილის მძღოლმა საჭე ვერ დაიმორჩილა და ელექტრობოძს შეეჯახა.

მანქანაში დედა ორ მცირეწლოვანთან ერთად იმყოფებოდა. შემთხვევის შედეგად ქალი გარდაიცვალა, ხოლო ბავშვები სასწრაფო-სამედიცინო დახმარების ბრიგადამ კლინიკა "მედალფაში“ გადაიყვანა. როგორც ცნობილია, ერთ-ერთი მცირეწლოვანის მდგომარეობა მძიმეა.

შემთხვევის ადგილზე მობილიზებულია პოლიცია.

როგორც "ინტერპრესნიუსს“ შსს-ში განუცხადეს, მომხდართან დაკავშირებით გამოძიება სისხლის სამართლის კოდექსის 276-ე მუხლის მე- 6 ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.

ფინანსთა სამინისტრო თანამშრომელი, არჩილ ჩაჩანიძე სამსახურებრივი მოვალეობის შესრულების დროს, მოულოდნელად შეუძლოდ გახდა და გარდაიცვალა

"მიწისძვრის დაფიქსირებული ეპიცენტრის პირველადი მონაცემი აღმოჩნდა არასწორი" - რა ინფორმაციას ავრცელებს სეისმური მონიტორინგის ცენტრი

საქართველოში მიწისძვრა მოხდა