მერაბ ნინიძე გერმანულ მინისერიალში მთავარ როლს ასრულებს - მსახიობი ამბობს, რომ ამ როლით განსაკუთრებით ბედნიერი დედაა, რადგანაც ამჯერად მის შვილს განგსტერის როლში არ ნახავს
"Doktor Ballouz" ასე ჰქვია ახალ გერმანულ მინისერიალს, რომელშიც მთავარ როლს ქართველი მსახიობი, მერაბ ნინიძე ასრულებს. სერიალის პირველ ეპიზოდს მაყურებელი 7 აპრილს იხილავს. აღნიშნულის შესახებ გერმანული გამოცემა "ბილდი" წერს.
გამოცემის ცნობით, სერიალი სულ ექვსი სერიისგან შედგება და გვიყვება ექიმზე, რომელიც ხალხის გადარჩენას ცდილობს. ექიმი ბელუზი ლტოლვილია, რომელმაც ავტოავარიაში ცოლი დაკარგა. "ბილდი" წერს, რომ სცენარს საფუძვლად რეალური ადამიანის ისტორია უდევს, რომელიც გერმანიაში ლიბანიდან მაშინ წავიდა, როცა ლიბანში სამოქალაქო ომი იყო. გერმანიაში კი მან მედიცინა შეისწავლა.
თავად მსახიობი ამბობს, რომ მისი ახალი როლით განსაკუთრებით ბედნიერი დედაა, რადგანაც ამჯერად მის შვილს განგსტერის როლში არ ნახავს.
სერიალი ტელეკომპანია ZDF-ის ეთერში გავა და როგორც ცნობილია, თითოეული ეპიზოდის ხანგრძლივობა 40 წუთი იქნება.
"მაგიდის ქვეშ ყოველთვის ერთმანეთის ხელი გვეჭირა და ყველა ემოციას ვგრძნობდით" - ოდრი და ჟივენში - მოდის და კინოს სამყაროს პლატონური სიყვარულის ამბავი
"ბრანჯელინას" სკანდალური სასამართლოს დეტალები და გადაწყვეტილება, რომელმაც ჯოლი გააბრაზა: "არ დავუშვებ, ჩემს შვილებს ზიანი მიადგეთ"
