"ბრიტანული შტამის" 80-ზე მეტი შემთხვევა გვაქვს დადგენილი, თუმცა შემთხვევების რაოდენობა გაცილებით მეტია - ამირან გამყრელიძე

დაავადებათა კონტროლის ეროვნული ცენტრის ხელმძღვანელის ამირან გამყრელიძის განცხადებით, ქვეყანაში, „ბრიტანული შტამის“ ლაბორატორიულად დადასტურებული 80-ზე მეტი შემთხვევაა დაფიქსირებული.

როგორც მან ჟურნალისტებს განუცხადა, „ბრიტანული შტამის“ ცირკულაცია საერთო ცირკულირებიდან დაახლოებით 20-30%-ის ფარგლებშია.

„ცირკულირებს ახალი შტამი. ჩვენ დაახლოებით ლაბორატორიულად 80-ზე მეტი შემთხვევა გვაქვს იდენტიფიცირებული, მაგრამ ეს არის, რაც ლაბორატორიულად იდენტიფიცირდა, რა თქმა უნდა, შემთხვევების რაოდენობა გაცილებით მეტია. სხვადასხვა შეფასებითი მაჩვენებლით, მათ შორის ჯანმრთელობის გაზომვათა ინსტიტუტის მაჩვენებლებით, რაც ჩვენ მოგვდის, დღეს ძირითადად „ბრიტანული შტამის“ ცირკულაცია საერთო ცირკულირებიდან დაახლოებით 20-30%-ის ფარგლებშია“, - განაცხადა გამყრელიძემ.