რუსეთის თასზე, მატჩის შემდეგ, გია გრიგალავა ცსკა-ს მწვრთნელებს თავს დაესხა და თავის გახვრეტით დაემუქრა - ქართველი ფეხბურთელი სკანდალში გაეხვა

რუსეთის თასის 1/4-ფინალში საფეხბურთო კლუბი "არსენალი", სადაც ქართველი ფეხბურთელი, გია გრიგალავა თამაშობს, საკუთარ მოედანზე დრამატულ მატჩში 1:2 დამარცხდა ცსკა-სთან და გათამაშებას გამოეთიშა, შეხვედრის დასრულების შემდეგ კი, სტადიონის გვირაბში კონფლიქტი მოხდა.

ყველაფერი ასე დაიწყო - 33-ე წუთზე "არსეალი" ევგენი ლუცენკომ დააწინაურა. 48-ე წუთზე არმიელებმა ანგარიში გაათანაბრეს. 55-ე წუთზე მსაჯმა მეორე ყვითელი ბარათი უჩვენა ლუცენკოს და მასპინძლები კაცნაკლულები დარჩნენ, ხოლო 86-ე წუთზე დედაქალაქელებმა გამარჯვების გოლი გაიტანეს.

გრიგალავა სასტარტო შემადგენლობაში იყო და 90-ე წუთზე მწვრთნელმა მის ნაცვლად შეცვლაზე შემტევი ვლადისლავ პანტელეევი შეუშვა.

championat-ის ცნობით, მატჩის შემდეგ არენის გვირაბში ინციდენტი მოხდა. კერძოდ, გრიგალავა და "არსენალის" თავდამსხმელი გურამ აჯოევი-უმცროსი (ამავე კლუბის პრეზიდენტის, გურამ აჯოევის შვილია), რომელიც სათადარიგო იყო, თავს დაესხნენ ცსკა-ს მწვრთნელებს და თავის გახვრეტით დაემუქრნენ. განაგრძეთ კითხვა