11 თვიანი პაუზის შემდე, საქართველო უკრაინაში ელჩს აბრუნებს
11 თვიანი პაუზის შემდე, საქართველო უკრაინაში ელჩს აბრუნებს. ინფორმაციას "რუსთავი 2" ავრცელებს.
ტელეკომპანიასთან საუბარში საგარეო საქმეთა მინისტრი დავით ზალკალიანი ამბოს, რომ უკრაინის გარშემო სიტუაცია იძაბება და ახლა იმის დრო არ არის, რომ საქართველოს იქ ელჩი არ ჰყავდეს.
"უახლოეს პერიოდში იქნება მიღებული გადაწყვეტილება ელჩის დაბრუნებასთან დაკავშირებით. ყველანაირად ვეცდებით, რომ ჩვენი ურთიერთობები განვითარდეს დინამიკურად.
ძალიან ბევრი საერთო გამოწვევა გვაქვს, დაზარალდა ორმხრივი ურთიერთობები, მაგრამ ჩვენ სახელმწიფო ვართ და სახელმწიფო ინტერესებიდან გამომდინარე ვმოქმედებთ. მთავარი იყო, მათი მხრიდან ყოფილიყო სწორი აღქმა და ისინი გაგებით მოეკიდნენ ჩვენს ნაბიჯს.
დადგა დრო, კიდევ უფრო ახლებურად შევხედოთ ჩვენს ურთიერთობებს. პროცესები ძალიან გვაღელვებს. უკრაინის ოკუპაცია პირდაპირ კავშირშია ჩვენთან მიმდინარე ოკუპაციასთან," - განაცხადა დავით ზალკალიანმა.
ცნობისთვის, საქართველოს საგარეო საქმეთა სამინისტრომ 2020 წლის 8 მაისს განაცხადა, რომ საგანგებო და სრულუფლებიანი ელჩი თეიმურაზ შარაშენიძე უკრაინიდან თბილისში კონსულტაციებისთვის გამოიწვია.
კახა კალაძე უცხოეთში იმყოფება, სადაც ჯანმრთელობის მდგომარეობის გადასამოწმებლად გაემგზავრა
"პრეზიდენტმა გადაწყვიტა ერის მამის თუ დედის როლი მოირგოს - ცალსახად მხარეა და არ გამოვა მისგან გამაერთიანებელი" - ზურაბ ჯაფარიძე
