კახა კალაძე უცხოეთში იმყოფება, სადაც ჯანმრთელობის მდგომარეობის გადასამოწმებლად გაემგზავრა

თბილისის მერი, კახა კალაძე უცხოეთში იმყოფება. ამის შესახებ კალაძემ "ფეისბუქ ლაივისას" თავად განაცხადა.

როგორც "ინტერპრესნიუსს" მერიის პრესსამსახურში განუცხადეს, კალაძე უცხოეთში ჯანმრთელობის მდგომარეობის გადასამოწმებლად გაემგზავრა.

რომელ ქვეყანაში იმყოფება, მერიაში არ აკონკრეტებენ.

კახა კალაძე თბილისში კვირის ბოლოს დაბრუნდება.

ცნობისთვის, თბილისის მერმა, კახა კალაძემ ბოხუას სახელობის კლინიკა 4 აპრილს დატოვა. ის კლინიკაში რამდენიმე დღის განმავლობაში მკურნალობდა. კარდიოლოგის, პროფესორის, ზურაბ ფაღავას ინფორმაციით, თბილისის მერს კახა კალაძეს ე.წ. ვესტიბულოპათია აღენიშნებოდა.