ავტორი:

აშშ-მა, ევროკავშირმა და სამხრეთ აფრიკამ J&J-ის ვაქცინის გამოყენება დროებით შეაჩერეს - რა სახელდება მიზეზად

აშშ-მა, ევროკავშირმა და სამხრეთ აფრიკამ J&J-ის ვაქცინის გამოყენება დროებით შეაჩერეს - რა სახელდება მიზეზად

აშშ-მა, ევროკავშირმა და სამხრეთ აფრიკამ Johnson & Johnson-ის ვაქცინის გამოყენება დროებით შეაჩერეს, - ამის შესახებ ინფორმაციას BBC-ი ავრცელებს.

გამოცემის ცნობით, გადაწყვეტილების მიზეზი აშშ-ში ვაქცინირებულ მოქალაქეებში თრომბის წარმოქმნის რამდენიმე შემთხვევის გამოვლენა გახდა.

აშშ-ის დაავადებათა კონტროლისა და პრევენციის ცენტრმა და აშშ-ის სურსათისა და წამლის ადმინისტრაციამ Johnson & Johnson-ის კორონავირუსის საწინააღმდეგო ვაქცინის გამოყენების შეჩერების რეკომენდაცია მას შემდეგ გასცეს, რაც Johnson & Johnson-ით ვაქცინირებულ ადამიანებს შორის თრომბის წარმოქმნის 6 შემთხვევა 18 და 48 წლამდე ასაკის ქალებში დაფიქსირდა. თრომბის წარმოქნის სიმპტომები ვაქცინაციიდან 6-13 დღეში გამოვლინდა.

აღსანიშნავია, რომ ევროკავშირის ქვეყნებმა Johnson & Johnson-ის ვაქცინის გამოყენების გადადების შესახებ გადაწყვეტილება ბლოკისთვის მისი მიწოდების დაწყებიდან 24 საათში მიიღეს. ვაქცინა ევროკავშირში ჯერ არ გამოუყენებიათ და ამიტომ ევროპელი ექსპერტები აშშ-ის შემდგომ ნაბიჯს ელოდებიან.

რაც შეეხება სამხრეთ აფრიკას, ქვეყანას, რომელმაც ამ ვაქცინის გამოყენება პირველმა დაიწყო, მიუხედავად იმისა, რომ ვაქცინაციის პროცესში თრომბის წარმოქმნის არცერთი შემთხვევა არ გამოვლენილა, ქვეყანამ Johnson & Johnson-ის გამოყენება დროებით მაინც შეაჩერა.

აშშ-ის დაავადებათა კონტროლისა და პრევენციის ცენტრი დღეს იმუნიზაციის წესების მრჩეველთა კომიტეტის სხდომას მოიწვევს, სადაც თრომბის წარმოქმნის შემთხვევებს განიხილავენ. შემთხვევებს იკვლევს აშშ-ის სურსათისა და წამლის ადმინისტრაციაც.

„სანამ ეს პროცესი დასრულდება, ჩვენ გირჩევთ, სიფრთხილის გამო, ამ ვაქცინის გამოყენება დააპაუზოთ," - ნათქვამია აშშ-ის დაავადებათა კონტროლისა და პრევენციის ცენტრისა და აშშ-ის სურსათისა და წამლის ადმინისტრაციის ერთობლივ განცხადებაში, რომელიც გუშინ გავრცელდა.

რუსული მედიის ინფორმაციით, "ეფესბემ" უკრაინის კონსული დააკავა

"...განხორციელდება მტკივნეული გადაწყვეტილებები ამერიკისთვის, ეს ჩვენი არჩევანი არ არის" - რას პასუხობს რუსეთის საგარეო უწყება აშშ-ის სანქციებს

პოლიტიკოსები თავიანთი ქვეყნების დროშების გამოსახულებიანი პირბადეებით - როგორ იქცა დროშა პანდემიური დრესკოდის ნაწილად