რატომ ვერ შეაჩერებს კორონავირუსს მხოლოდ ვაქცინები? - შვეიცარიული ყველის მოდელი

კორონავირუსის საწინააღმდეგო ვაქცინებს მთელი მსოფლიო იმედით შეჰყურებს - ველით, როდის გახდება ეს გამოსავალი, როდის დაასრულებს "ლოქდაუნებს" და დავიბრუნებთ ჩვენს ჩვეულ ცხოვრებას. თუმცა, მეცნიერების თქმით, ვაქცინის "ჩხვლეტა" საკმარისი არ იქნება და სხვა ზომების მიღება კვლავ საჭიროა.

რატომ? - ამის დემონსტრირებას შვეიცარიული ყველის მოდელი ახერხებს.

პრობლემა ისაა, რომ კორონავირუსის გავრცელების კუთხით არცერთი პრევენციული ღონისძიება არაა 100%-ით ეფექტიანი, მათ შორის, არც ვაქცინები.

შვეიცარიული ყველი, თავისი დამახასიათებელი ხვრელებით, ცხრა ნაჭრადაა დაჭრილი. თითოეული ფენა ვირუსისგან თავდაცვის ერთ-ერთ საშუალებას წარმოადგენს.

სრულყოფილი არცერთი ნაჭერი არ არის. თითოეულ მათგანს ნახვრეტები აქვს, რაც ამ ზომების ნაკლოვანებებს წარმოადგენს და რაც ვირუსს "გაძრომის" საშუალებას აძლევს. რამდენიმე ფენის არსებობის შემთხვევაში, ვირუსის შეჩერების ალბათობა იზრდება.

ეს უფრო ცხადი ხდება თითოეულ ნაჭერზე დაკვირვებით...

• რას ნიშნავს ეს ყველაფერი ჩვენთვის?

აშკარაა, რომ 100%-იან დაცვას შვეიცარული ყველის არცერთი ნაჭერი იძლევა. მხოლოდ რამდენიმე ნაჭრის ერთდროულად გამოყენებით ვქმნით საუკეთესო შესაძლებლობას, დავიცვათ საკუთარი თავი და გარშემომყოფები.

ავსტრალიელი ვირუსოლოგი, იან მაკეი, პირველი, ვინც შვეიცარიის ყველის მოდელი პანდემიასთან მიმართებაში გამოიყენა, აღნიშნავს, რომ სინამდვილეში, ყველის ნახვრეტები მუდმივად იხსნება, იხურება და/ან გადაადგილდება, ეს ყველაფერი კი ჩვენი ქცევის შესაბამისად ხდება. ამიტომაც, ის და სხვა მეცნიერები ამბობენ, რომ ვაქცინაციის ფართოდ დანერგვის ადგილებშიც კი, მრავალი ზომის შესრულება უნდა გაგრძელდეს, რათა შვეიცარიული ყველის ხვრელები ერთმანეთის პირისპირ არ განლაგდნენ და ვირუსი ადამიანამდე არ მიუშვან.

ილუსტრაციები: ეკა აბაშიძე