"საქართველოს ბანკზე" თავდამსხმელი ზუგდიდელი ნიკა წურწუმიაა

Ambebi.ge-ს ინფორმაციით, თბილისში, "საქართველოს ბანკის" ფილიალზე თავდამსხმელი ზუგდიდელი ნიკა წურწუმიაა. ჩვენი ინფორმაციით, ის ზუგდიდიდან თბილისში რამდენიმე დღის წინ ჩამოვიდა.

"საქართველოს ბანკზე" შეიარაღებული თავდამსხმელი 28 წლისაა. ნიკა წურწუმია პოლიციამ უკვე დააკავა. ბანკის ფილიალიდან პოლიციის თანამშრომლებმა ის ხელბორკილებით გამოიყვანეს.

შეიარაღებული თავდასხმა "საქრთველოს ბანკის" ავლაბრის ფილიალზე დღეს, 12 საათზე მოხდა. 2 საათიანი ოპერაციის შედეგად თავდამსხმელი პოლიციამ აიყვანა. სპეცოპერაციის შედეგად არავინ დაშავებულა.

• "თავდამსხმელი დაკავებულია, მძევლები კი გათავისუფლებულები არიან, დაზიანება არავის მიუღია" - ვაჟა სირაძის განცხადება ბანკზე მომხდარ თავდასხმაზე