ავტორი:

"ჩემი ადგილი დარბაზშია..." - რას წერს არჩილ თალაკვაძე პარლამენტის თავმჯდომარის პოსტიდან წასვლის შემდეგ?

"ჩემი ადგილი დარბაზშია..." - რას წერს არჩილ თალაკვაძე პარლამენტის თავმჯდომარის პოსტიდან წასვლის შემდეგ?

არჩილ თალაკვაძე, რომელმაც პარლამენტის თავმჯდომარის პოსტი დატოვა, თვლის, რომ მისი ადგილი დარბაზშია, კოლეგების გვერდით და არა სპიკერის პოზიციაზე.

ამის შესახებ თალაკვაძე სოციალურ ქსელში წერს.

"იმის გათვალისწინებით, რომ რამდენიმეთვიანი დაძაბული მოლაპარაკებები დასრულდა შეთანხმებით, რომელშიც პარტიის თავმჯდომარესთან ერთად, მე პარტია “ქართულ ოცნებას” წარმოვადგენდი - ვთვლი, რომ პარლამენტში შემდგომი პოლიტიკური პროცესის სწორად წარმართვისთვის, მართებული იქნება დავტოვო სპიკერის პოზიცია და ამ თანამდებობაზე წარვადგინოთ ადამიანი, რომელიც პარლამენტის მუშაობას უფრო ნეიტრალური პოზიციიდან გაუძღვება. მივიღეთ გადაწყვეტილება, რომ გავაკეთოთ როტაცია.

ახლა, როცა პარლამენტში წარმომადგენლობითი ოპოზიცია გვყავს, ვთვლი, რომ ჩემი ადგილი დარბაზშია, კოლეგების გვერდით და არა სპიკერის პოზიციაზე.

ჩემთვის დიდი პატივი იყო მე-9 და მე-10 მოწვევის პარლამენტებში თავმჯდომარის თანამდებობაზე მუშაობა. მადლობას ვუხდი გუნდს და ჩვენს თანამოქალაქეებს მხარდაჭერისთვის. ერთად განვაგრძობთ მუშაობას და ბრძოლას მომავალი გამარჯვებებისთვის!" - წერს თალაკვაძე.

ცნობისთვის, არჩილ თალაკვაძე პარლამენტის თავმჯდომარის პოსტს ტოვებს. ამის შესახებ "ქართული ოცნების" ოფისში გამართულ ბრიფინგზე გახდა ცნობილი.

მის ნაცვლად პარლამენტს "ქართული ოცნება" კახა კუჭავას კანდიდატურას წარუდგენს.

"თუ "ოცნებამ" შეთანხმება მარცხად აღიარა, მაშინ უნდა გადამდგარიყო კობახიძეც... კიდევ ერთი რამ მაეჭვებს" - ვინ ცდილობს შეთანხმების "გაჭედვას" და რატომ გადადგა თალაკვაძე?

"სააკაშვილმა უნდა გააცნობიეროს, რომ ალტერნატივა - ან ის, ან ბიძინა, აღარ არის რელევანტური" - სალომე სამადაშვილი

"ვერც ერთი პოლიტიკოსი, რომელსაც სავარაუდო მძიმე დანაშაული აქვს ჩადენილი, სხვა პირთან მიმართებაში პრივილეგირებული ვერ იქნება" - ოხანაშვილი