ზურაბ დათუნაშვილი სერბეთის სახელით ევროპის ჩემპიონი გახდა
ზურაბ დათუნაშვილმა ევროპის 2021 წლის ჩემპიონატი მოიგო! ფინალში სერბეთის სახელით მოასპარეზე ქართველმა მოჭიდავემ ბელორუსი კირილ მასკევიჩი 5:1 დაამარცხა და რევანშიც აიღო.
ზურაბ დათუნაშვილისთვის ეს კონტინენტის პირველობის მესამე ოქროა. ორჯერ ის ევროპის ჩემპიონი საქართველოს სახელით გახდა, მესამედ კი - სერბეთის!
შეგახსენებთ, რომ ზურაბ დათუნაშვილმა საქართველო 2 წლის წინ დატოვა. 2019 წლის 11 იანვარს ბერძნულ-რომაულ ჭიდაობაში საქართველოს ჩემპიონატის ფინალის დღეს სპორტის სასახლეში დაპირისპირებისას მოჭიდავე ზურაბ დათუნაშვილს ჭიდაობის ფედერაციის პრეზიდენტი გეგა გეგეშიძე ფიზიკურად გაუსწორდა.
მომხდარზე გამოძიება დაიწყო და გეგეშიძე დააკავეს, თუმცა მოგვიანებით 5000-ლარიანი გირაოს სანაცვლოდ გაათავისუფლეს და ფედერაციის პრეზიდენტის პოსტიც შეუნარჩუნეს. თავის მხრივ, დათუნაშვილი გეგა გეგეშიძის გადადგომას ითხოვს, თუმცა გეგეშიძე პოსტზე ამ დრომდე რჩება.
საქართველოში კორონავირუსით ინფიცირების 1 578 ახალი შემთხვევა გამოვლინდა - რამდენი ტესტი გაკეთდა გასულ 24 საათში
"ვახტანგი მომაკვადვი დავტოვე... მაიას დაპატიმრებით დამაპატიმრეს მე, ჩემი დაპატიმრება ჩემთვის არაფერი იყო იმასთან შედარებით" - რუსუდან კერვალიშვილი
