როგორია ვითარება ამ დროისთვის სალხინოს ტაძართან - ტაძრის ეზოში მომხდარ ფიზიკურ დაპირისპირებასთან დაკავშირებით გამოძიება დაიწყო
მარტვილში, სალხინოს ღვთისმშობლის ტაძრის ეზოში სასულიერო პირებსა და მრევლის ნაწილს შორის მომხდარ დაპირისპირებაზე გამოძიება შსს-მ 126-ე მუხლით დაიწყო, რაც ცემას გულისხმობს. ამის შესახებ, სამეგრელო - ზემო სვანეთის პოლიციის ხელმძღვანელმა, ნიკოლოზ დიასამიძემ განაცხადა.
მისივე თქმით, ამ ეტაპზე ინციდენტში მონაწილე ორი პირის დაკითხვა მიმდინარეობს, თუმცა დაკავებული არავინ არ არის.
ამ დროისთვის მარტვილის, სოფელ სალხინოში ღვთისმშობლის შობის სახელობის ტაძარში მეუფე სტეფანე წირვას აღავლენს. ადგილზე რჩება დაპირისპირებული ორივე მხარე. მობილიზებულია პოლიცია.
წირვის დაწყებამდე ტაძრის ტერიტორიაზე სიტყვიერი და ფიზიკური დაპირისპირება იყო. სასულიერო პირების ნაწილმა, რომელიც ჭყონდიდის მიტროპოლიტ, მეუფე სტეფანეს არ ემორჩილება, ტაძარში ადგილობრივი ბიზნესმენის კლიმენტი კეკუტიას გამოჩენა გააპროტესტეს, შემდეგ კი მეუფეს ტაძარის შესასვლელთან დახვდნენ. მეუფე სტეფანე ტაძარში პოლიციის დახმარებით შევიდა.
დღეიდან ამინდი უარესდება - რა ინფორმაციას ავრცელებს გარემოს ეროვნული სააგენტო?
რამდენიმე წარუმატებელი ბიზნესი და ღვინის მონოპოლია რუსეთში - ვინ არის კლიმენტი კეკუტია და რა ინფორმაცია იძებნება მასზე?
