"კლიმენტი კეკუტიას შევარდნაძის ეპოქაში სურდა ამ ეზო-კარის დაპატრონება" - რას ყვება პეტრე ცაავა?

ჭყონდიდის ეპარქიის ყოფილი წინამძღვარი პეტრე ცაავა, "რუსთავი 2"- თან ინტერვიუში ამბობს, რომ რუსეთში მოღვაწე ბიზნესმენს კლიმენტი კეკუტიას მონასტრის ტერიტორიის დაუფლება სურდა და მას შემდეგ, რაც მონასტერი დააარსა, ყველაფერს აკეთებდა, რომ მისთვის ხელი შეეშალა.

"ანტიქრისტიანული აზროვნების და საქციელის მღვდელმთავრებისგან და სასულიერო პირებისგან დაუყოვნებლივ უნდა გაიწმინდოს და გათავისუფლდეს ეკლესია. ამ პროცესებში სამართალდამცავების ჩარევა არის ანტიეკლესიური ქმედება.

მეუფე სტეფანეს ჩასვლის პირველივე დღიდან ისინი თან დაყვებიან, პირად კონტროლზე ჰყავთ აყვანილი. მას შემდეგ, რაც მე მონასტერი დავაარსე და დაიწყო აღმშენებლობითი პროცესები, ის ყველაფერს აკეთებდა რომ ხელი შეეშალა და შევარდნაძის ეპოქაში სურდა ამ ეზო-კარის დაპატრონება." - ამბობს პეტრე ცაავა.