საფრანგეთში ტერორიზმის ბრალდებით დაკავებულებს შორის ერთ-ერთი ქართველია - რას წერს ფრანგული მედია

საფრანგეთში ტერორისტული დანაშაულებრივი გაერთიანების საქმიანობაში მონაწილეობისა და ტერორიზმის დაფინანსებაში ეჭვმიტანილი 7 პირი დააკავეს, - ამის შესახებ ინფორმაციას "დოიჩე ველე“ ფრანგულ მედიაზე დაყრდნობით ავრცელებს.

გავრცელებული ინფორმაციით, ანტიტერორისტული ოპერაციის დროს დაკავებულებიდან ექვსი რუსი, ერთი კი ქართველია. ყველა მათგანი ჩეჩნებთანაა დაკავშირებული.

დაკავებულები ერაყსა და სირიაში, სავარაუდოდ, ტერორისტული საქმიანობის დაფინანსების მიზნით, თანხების გადაგზავნაში არიან ეჭვმიტანილები.

მედიის ინფორმაციით, დაკავებულების ასაკი 28-დან 48 წლამდე მერყეობს. დაკავებები ქალაქ სტრასბურგსა და ლეონთან ახლოს განხორციელდა.