მიტოვებულ მორგში მცხოვრებმა დევნილმა ჯეკპოტი მოიგო

45 წლის რაულ ზარქუა აფხაზეთიდან დევნილია, სამ შვილს მარტო ზრდის და ზუგდიდის საავდმყოფოს ეზოში მიტოვებული მორგის შენობაში რამდენიმე დევნილ ოჯახთან ერთად არის შესახლებული. რაული უმუშევარია, ის შვილებს მხოლოდ სოციალური დახმარებით და დროებითი სამუშაოებიდან შემოსული თანხით არჩენს. გაჭირვების და მძიმე ცხოვრების მიუხედავად, რაულ ზარქუა ლატარიას ყოველთვის თამაშობს. ,,5/35 -ოქროს ბურთს, რაც ეს თამაში დაარსდა, სამი წლის მანძილზე სისტემატურად ვთამაშობ, ყოველთვის მქონდა მოგების იმედი, მაგრამ ჯეკპოტს თუ მოვიგებდი ნამდვილად არ მეგონა’’ - გახარებული გვიყვება საკუთარი მოგების ისტორიას ბატონი რაული.

ყოველდღიურ ლოტო ,,5/35 - ოქროს ბურთში’’ რაულ ზარქუამ ჯეკპოტი 19 აპრილს მოიგო, იმ დღეს საქარველოს ლატარიის ისტორიაში უპრეცედენტო ფატქი მოხდა - ჯეკპოტი 56 364 ლარი ორმა მოგებულმა გაინაწილა, რის გამოც თითოეულს 28 182 ლარის მოგება შეხვდა. მეორე მოგებული ოჯახი ბათუმში ცხოვრობს. მოგებული კომბინაცია კი, რომელმაც ორ ოჯახს საკმაოდ დიდი შემოსავალი მოუტანა შემდეგია: 4, 2, 34, 8, 29.

,,გათამაშებას მე და ჩემი შვილები ვუყურებდით, ჯერ ერთი რიცხვი დაემთხვა, მერე მეორე და ასე ხუთამდე, ოქროს ბურთიც რომ ჩამოვარდა, სიხარულისგან კინაღამ გავგიჟდი, მივხვდი რომ ჯეკპოტი მოვიგე, ჩემს გარდა სხვასაც დაუწერია იგივე რიცხვები და ამიტომ თანხის ნახევარი შემხვდა, მაგრამ ამაზეც დიდი მადლობა უფალს და რა თქმა უნდა, საქართველოს ლატარიის კომპანიას, მოგებული თანხით ოჯახს შევავსებ, სარეცხ მანქანას და სხვა საჭირო ნივთებს შევიძენ და რაიმე პატარა ბიზნეს დავიწყებ, სტაბილური შემოსავალი რომ მქონდეს’’- მოგებული თანხა უკვე განაწილებული აქვს რაულ ზარქუას.

,,საქართველოს ეროვნული ლატარია’’ ულოცავს მას მოგებას და წარმატებებს უსურვებს. თქვენ კი შეგახსენებთ, რომ ყოველდღიური ლოტო ,,5/35-ოქროს ბურთის’’ გათამაშება იმართება ყოველდღე ტელეკომპანია ,,იმედის’’ პირდაპირ ეთერში 19:45 საათზე.

იგებს ის ვინც თამაშობს, მოგება კი შეუძლია ყველას!

NS