ავტორი:

ვინ არის ვაზილ ჰუდაკი, რომელიც პრემიერმა უცხოური ინვესტიციების მოზიდვის საკითხებში მრჩევლად დანიშნა და რა აკავშირებს საქართველოსთან

ვინ არის ვაზილ ჰუდაკი, რომელიც პრემიერმა უცხოური ინვესტიციების მოზიდვის საკითხებში მრჩევლად დანიშნა და რა აკავშირებს საქართველოსთან

პრემიერ-მინისტრმა ირაკლი ღარიბაშვილმა უცხოური ინვესტიციების მოზიდვის მიმართულებით სპეციალური მრჩეველი, ვაზილ ჰუდაკი წარადგინა და როგორც ღარიბაშვილმა განაცხადა, ჰუდაკის ამოცანა იქნება საქართველოს ახალი ეკონომიკური სტრატეგიისთვის უცხოური საჯარო და კერძო სექტორებიდან მხარდაჭერის მობილიზება.

ვაზილ ჰუდაკს საკმაოდ წარმატებული კარიერა და დიდი გამოცდილება აქვს. ის ყოფილ ჩეხოსლოვაკიაში, 1964 წელს დაიბადა. დამთავრებული აქვს მოსკოვის სახელმწიფო უნივერსიტეტი საერთაშორისო ურთიერთობების მიმართულებით, ასევე სწავლობდა პრაღაში, ჩეხეთის ჩარლზის უნივერსიტეტში და გარდა ამისა, დამთავრებული აქვს ჰარვარდის ბიზნეს-სკოლა.

  • როგორც ვაზილ ჰუდაკის ბიოგრაფიიდან ირკვევა, მუშაობდა ევროპული საინვესტიციო ბანკის ვიცე პრეზიდენტად, ასევე JPMorgan-ის ბანკში. გარდა ამისა, თავისი კარიერის განმავლობაში მუშაობდა სლოვაკეთის ფინანსთა მინისტრად, ასევე სლოვაკეთის ეკონომიკის მინისტრად.

ვაზილ ჰუდაკი, როგორც ეკონომიკის ექსპერტი, ხშირადაა ჩართული სხვადასხვა ქვეყნებში მიმდინარე დისკუსიებში ეკონომიკური გარემოს გაუმჯობესების მიზნით.

რაც შეეხება საქართველოში მის სამომავლო მუშაობას, აღნიშნული პოზიცია - უცხოური ინვესტიციების მოზიდვის საკითხებში პრემიერ-მინისტრის მრჩეველი, აქამდე არ არსებობდა და ჰუდაკი ამ პოსტზე პირველია.

  • პრემიერ-მინისტრ ირაკლი ღარიბაშვილის განცხადებით, ჰუდაკი საქართველოს "დიდი მეგობარია."

"მოგეხსენებათ, კორონავირუსით გამოწვეულ რთულ ვითარებაში ეკონომიკის აღდგენის გეგმაზე ვმუშაობთ. ამ გეგმაში, რა თქმა უნდა, საქართველოს სამომავლო ეკონომიკური განვითარებისთვის უცხოურ ინვესტიციებს ექნება წამყვანი როლი. ქვეყანას სჭირდება ინვესტიციეიბი, რაც ნიშნავს, რომ ეკონომიკის სწაფი აღდგენა მოხდება, მეტი დასაქმება, მეტი შემოსავალი ჩვენი მოქალაქეებისთვის და აქედან გამომდინარე ჩვენ შევარჩიეთ ბატონი ვაზილ ჰუდაკი, რომელიც არის საქართველოს დიდი მოქალაქე, დიდი მეგობარი.

ის მისი წარმატებული კარიერის განმავლობაში მუშაობდა ევროპის საინვესტიციო ბანკის ვიცე-პრეზიდენტად, სლოვაკეთის ეკონომიკის მინისტრად, ფინანსთა მინისტრად, მანამდე მუშაობდა კერძო ბანკებში“, - ამბობს პრემიერი.

ღარიბაშვილის თქმით, ჰუდაკი საქართველოს კარგად იცნობს, რადგანაც საინვესტიციო ბანკის ვიცე-პრეზიდენტობის პერიოდში ხშირად სტუმრობდა ჩვენს ქვეყანას.

"ის ძალიან კარგად იცნობს საქართველოს, როცა საინვესტიციო ბანკის ვიცე - პრეზიდენტი იყო, ხშირად სტუმრობდა საქართველოს, იცნობს ჩვენს გუნდს, ჩვენს ეკონომიკურ გუნდს. ის გუშინ წარადგინეს მცირე და საშუალო საწარმოებისთვის ევროკავშირის სპეციალურ წარმომადგენლად. ბატონმა ვაზილმა უკვე გამართა შეხვედრები ეკონომიკური პროფილის მინისტრებთან.

მისი ამოცანაა ჩვენი ახალი ეკონომიკური სტრატეგისთვის უცხოური საჯარო და კერძო სექტორებიდან მხარდაჭერის მობილიზება. იგი აქცენტს გააკეთებს სტრატეგიულ საინვესტიციო პროექტებზე. მას ურთიერთობა ექნება როგორც ევროკავშირთან, ასევე საერთაშორისო სავალუტო ფონდთან, მსოფლიო ბანკთან, ევროპის რეკონსტრუქციისა და განვითარების ბანკთან და სხვა საერთაშორისო საფინანსო ინსტიტუტებთან.

ჩვენი დღევანდელი სტრატეგიის გათვალისწინებით, საქართველოში მცირე და საშუალო ზომის საწარმოების სფეროში ევროპის პოლიტიკას ჩვენ ძალიან დიდ მნიშვნელობას ვანიჭებთ, ეს პოლიტიკაც სწორედ ბატონი ვაზილის პროფესიული რჩევებითა და ხედვებით განხორციელდება. მინდა მას დიდი მადლობა გადავუხადო ამ შეთავაზების მიღებისთვის“, - განაცხადა ირაკლი ღარიბაშვილმა.

ვაზილ ჰუდაკის "ტვიტერის“ ოფიციალურ გვერდზე გასულ წლებში საქართველოში გადაღებულ არაერთ ფოტოს ნახავთ. მათ შორის, ერთ-ერთ ფოტოზე ის თბილისის მერთან, კახა კალაძესთან ერთადაა აღბეჭდილი.

<blockquote class="twitter-tweet"><p lang="en" dir="ltr">Happy to see new developments happening in <a href="https://twitter.com/hashtag/Tbilisi?src=hash&amp;ref_src=twsrc%5Etfw">#Tbilisi</a>, we have discussed with Mayor <a href="https://twitter.com/hashtag/KakhaKaladze?src=hash&amp;ref_src=twsrc%5Etfw">#KakhaKaladze</a> new investment opportunities to modernise city with the <a href="https://twitter.com/hashtag/European?src=hash&amp;ref_src=twsrc%5Etfw">#European</a> support <a href="https://twitter.com/kakhakala?ref_src=twsrc%5Etfw">@kakhakala</a> <a href="https://t.co/AcYuYS6NK1">pic.twitter.com/AcYuYS6NK1</a></p>&mdash; Vazil Hudak (@VazilHudak) <a href="https://twitter.com/VazilHudak/status/1189539931523375104?ref_src=twsrc%5Etfw">October 30, 2019</a></blockquote> <script async src="https://platform.twitter.com/widgets.js" charset="utf-8"></script>

“ბედნიერი ვარ თბილისის განვითარებით, ჩვენ ვისაუბრეთ მერთან კახა კალაძესთან ახალ საინვესტიციო შესაძლებლობებზე ქალაქის მოდერნიზაციისთვის“, - წერდა ჰუდაკი 2019 წელს "ტვიტერში.“ ქვემოთ მოცემული ფოტოები პრემიერის მრჩეველს Twitter-ში აქვს გამოქვეყნებული:

როდის გაიმართება ნიკა მელიას სასამართლო პროცესი და რას ამბობს საქმის პროკურორი

პროკურატურამ ნიკა მელიას მიმართ შეფარდებული აღკვეთის ღონისძიების პატიმრობის შეცვლასთან დაკავშირებით სასამართლოს მიმართა

"ევროკავშირის მიერ გირაოს დეკლარირება ზუსტად იმის დადასტურებაა, რომ საქართველოში არიან პოლიტპატიმრები" - ხატია დეკანოიძე