ავტორი:

მიმდინარე წლის ბოლომდე საქართველო საჰაერო თავდაცვის სისტემებს მიიღებს - რა დეტალებზე საუბრობს თავდაცვის მინისტრი

მიმდინარე წლის ბოლომდე საქართველო საჰაერო თავდაცვის სისტემებს მიიღებს - რა დეტალებზე საუბრობს თავდაცვის მინისტრი

"ჩვენ მნიშვნელოვან ნაბიჯებს ვდგამთ საჰაერო თავდაცვის შესაძლებლობების გაძლიერების მიზნით, რათა შევინარჩუნოთ მდგრადობა და აღმატებულ მოწინააღმდეგესთან ბრძოლის შესაძლებლობა“, - ამის შესახებ საქართველოს თავდაცვის მინისტრმა საკანონმდებლო ორგანოში „მინისტრის საათის“ ფორმატში მოხსენებისას განაცხადა. მან საჰაერო თავდაცვის შესაძლებლობების გაძლიერების კუთხით, უწყებაში მიმდინარე პროცესები კანონმდებლებს გააცნო.

საჰაერო თავდაცვის სისტემების შეძენის კონტექსტში ჯუანშერ ბურჭულაძემ ისრაელის უმსხვილეს სამხედრო ინდუსტრიის წარმომადგენლებთან უწყებაში აქტიურად მიმდინარე მუშაობაზე გაამახვილა ყურადღება.

"მიმდინარე წლის ბოლომდე ჩვენ მივიღებთ საჰაერო თავდაცვის „რაფაელის“ მოდერნიზებულ სისტემას. ასევე, დაგეგმილია თანამედროვე გადასატანი საზენიტო სარაკეტო კომპლექსის შესყიდვა, რითიც სამანევრო ქვედანაყოფები აღიჭურვება. ეს, ბუნებრივია, საქართველოს თავდაცვის ძალების ტაქტიკურ ქვედანაყოფებს უფრო ეფექტიანს გახდის“,-განაცხადა ბურჭულაძემ.

არსებული სისტემების მოდერნიზაციის მიმართულებით კი, ჯუანშერ ბურჭულაძემ ფრანგული კონტრაქტის შესახებ ისაუბრა, რომლის მეორე ფაზაც მიმდინარე წელს დასრულდება. როგორც მინისტრმა აღნიშნა, აღნიშნული კონტრაქტის ფარგლებში თავდაცვის ძალებს უკვე გააჩნია ფრანგული წარმოების საჰაერო თვალთვალის რადარები, მობილური საკომანდო პუნქტი და მისტრალი-3 ტიპის რაკეტები საცეცხლე მანქანებით.

"დავნერგავთ თანამედროვე მართვის, კონტროლისა და კომუნიკაციის (C3) სისტემას, რაც ხელს შეუწყობს მომავალში ნატოში ერთიანი მართვისა და კონტროლის სისტემაში ინტეგრაციას“, - განაცხადა ჯუანშერ ბურჭულაძემ.

კორონავირუსით გარდაცვლილი მასწავლებელი 51-ე სკოლაში 2019-დან აღარ მუშაობდა - პედაგოგის შვილის კომენტარი და დირექტორი სკოლაში არსებულ ვითარებაზე

ვინ არის პროექტების მენეჯერი? - CIU მენეჯმენტის საბაკალავრო პროგრამის შესახებ

"ამას პირველად ვამბობ... ყველაფრით დავიღალე" - გაშორდა თუ არა პეტრე კოლხი ცოლს