ავტორი:

ელენ დეჯენერესის მიმართ გამოთქმული სკანდალური ბრალდებების შემდეგ, "ელენის შოუ" იხურება - "ვგრძნობ, მის დასასრულებლად შესაფერისი დროა"

ელენ დეჯენერესის მიმართ გამოთქმული სკანდალური ბრალდებების შემდეგ, "ელენის შოუ" იხურება - "ვგრძნობ, მის დასასრულებლად შესაფერისი დროა"

"ელენის შოუ", რომელიც 19 წელია ეკრანზეა და რომელმაც ამ პერიოდში მთელი მსოფლიოს მასშტაბით მოიპოვა პოპულარობა, მაყურებელს მე-19 სეზონით დაემშვიდობება. გადაწყვეტილების შესახებ ელენმა მაყურებელს თავადვე ამცნო.

"მე ვგრძნობ, რომ მის დასასრულებლად შესაფერისი დროა. სიმართლე ისაა, რომ მე ყოველთვის ვენდობი ჩემს ინსტინქტებს და ჩემი ინსტინქტი მეუბნება, რომ დროა. მინდა იცოდეთ, რომ ამ გადაწყვეტილების მიღებამდე ძალიან ბევრი ვიფიქრე“, - განმარტავს ელენი.

აღსანიშნავია, რომ ელენს არაფერი უთქვამს თანამშრომლების მხრიდან ბრალდებებზე, რომლებმაც ის რამდენიმე თვის წინ რთული სამუშაო პირობების შექმნაში დაადანაშაულეს. მედიაში წერენ, რომ ტელეწამყვანმა გადაწყვეტილება სწორედ აღნიშნული სკანდალის გამო მიიღო.

ყველაფერი 2020 წლის მარტში დაიწყო, როდესაც კომიკოსმა კევინ თი პორტერმაTwitter-ის გვერდზე გამოაქვეყნა პოსტი, რომელშიც მიმდევრებს სთხოვდა, დაეწერათ ელენთან დაკავშირებული ის ისტორიები, რომლებიც ტელეწამყვანის რეალურ ხასიათს გაუსვამდა ხაზს.

კევინის პოსტს ათასობით ადამიანი გამოეხმაურა. კომენტარებში ელენის შოუს ყოფილი თანამშრომლები, ასევე ის ადამიანები, რომლებიც შოუს ერთხელ მაინც მაყურებლის რანგში დასწრებიან, ელენთან დაკავშირებულ არაერთ უსიამოვნო ფაქტს იხსენებდნენ. კომენტარებს ამჟამინდელი თანამშრომლებიც წერდნენ და აღნიშნავდნენ, რომ პანდემიის საწყის ეტაპზე მათ არ იცოდნენ რა ელოდათ, მიიღებდნენ თუ არა ანაზღაურებას, გააგრძელებდნენ თუ არა მუშაობას. მათი თქმით, აღნიშნულის შესახებ არავინ ესაუბრებოდა და სრულ გაურკვევლობაში იყვნენ.

ასევე დაგაინტერესებთ: ელენ დეჯენერესს თანამშრომლები დამცირებასა და დისკრიმინაციაში ადანაშაულებენ

ისრაელის პრემიერი რამდენიმე ქვეყანას, მათ შორის საქართველოს, მტკიცე მხარდაჭერისთვის მადლობას უხდის

26 წლის ყაზახი გოგოს გაუპატიურების საქმეზე ბრალდებული ყაზახეთში დააკავეს

ავიაიერიში ღაზაში - ჩამოინგრა შენობა, სადაც Associated Press -ის და Al Jazeera-ს ოფისები მდებარეობდა