ებრაელი და არაბი ექიმები ისრაელში ძალადობის წინააღმდეგ გაერთიანდნენ - სოციალურ ქსელებში ემოციური კადრები ვრცელდება

"არაბი და ებრაელი ექიმები ჰაიფას ჰოსპიტალში გვერდიგვერდ მუშაობენ და გამოხატავენ იმ სოლიდარობას, ემპათიასა და მხარდაჭერას, რომელიც ასე გვჭირდება ამ რთულ დროს", - წერს "ფეისბუქ-გვერდი" Israel in Georgia და ექიმების ფოტოებს აქვეყნებს.

სოციალურ ქსელში ექიმების თანადგომის ამსახველი ემოციური ვიდეოც ვრცელდება.

"ადამიანები ადამიანები არიან. ებრაელი და არაბი ექიმები და ექთნები ისრაელში ძალადობის წინააღმდეგ გაერთიანდნენ", - აღნიშნულია ვიდეო აღწერაში.

ცნობისთვის, ისრაელი ღაზის სექტორზე საჰაერო და სახმელეთო თავდასხმებს ახორციელებს. ისრაელის სახმელეთო ჯერები ჯერჯერობით ღაზაში არ შეჭრილან, თუმცა მისი მიმართულებით საარტილერიო შეტევა განახორციელეს. ამასთან, გრძელდება სარაკეტო თავდასხმები ისრაელის ქალაქების მიმართულებით. ღაზაში აცხადებენ, რომ დაღუპულია 109 ადამიანი, მათ შორის 29 ბავშვი. ისრაელის ინფორმაციით კი, ღაზადან განხორციელებულ სარაკეტო თავდასხმებს ამ დრომდე 7 ადამიანის სიცოცხლე ემსხვერპლა, მათ შორის ორი ბავშვია.

ასევე ნახეთ: ღაზიდან სარაკეტო თავდასხმას ისრაელი სახმელეთო და საჰაერო იერიშით პასუხობს - როგორია ვითარება კონფლიქტის ზონაში (ფოტოები)